حركات البنات في الطابور

——————————————————————————–

حبيت اليوم اطرح لكم حركات الطالبات في الطابور من صباح الله خير .. الله يعينهم و يعين المدرسات

(( البداية مع التفتيش ))

ليش مريولج موديله جنه فستان عرس ؟
معلمه هذا ستايلي ..

ليش حاطة عدسات زرق ؟
معمله عيوني هذي .. امي اوروبية ..

ليش كل هذا الكحل ؟
معلمه عيوني مكحلة طبيعيه ..

ليش المناكير ؟
معلمه هذي حنة سودانيه مو مناكير . :

ليش ما ترددين تحية العلم ؟
معمله بلاعيمي تعورني >> ههههه ومن الجهة الثانية صوتها ويا سوالفها واصل لآخر صف ..

ليش تسولفين بدال ما تستفيدي من الإذاعة ؟
معمله مو انا بس كل الصف .. بعدين الإذاعة مكررة هي وفقرة هل تعلم السخيفة ..

ليش كل هذا المكياج ؟
معمله امس كان عرس ولد عمي للفجر .. ومالقيت وقت عشان أشيله ….!!

(( و في الجهة الثانية ))

و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .. هههههههههههههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

((نمر للبنات اللي مبققات عيونهم على المعلمات ))

وين معلمه سيتوبلازم ؟
هذي واقفة جنب العمود أكيد غايبة اوكي الحصة الأولى فاضيين .. يا سلااااااام

وين معمله (قد اعذر من انذر )؟
هذي عندها مناعة طبيعية ماتمرض عشان تغيب هي و ربيعتها نو بودي…

وين معلمة الحجم العائلي ؟
اوف بعد مب غايبه .. لا وتشوف علي بعد .. شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة ….. من وين اشترتها ؟

عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها .. تنزل اعلان بالجريدة يكون أحسن .

(( و سوالف الدلوعات ))

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن ههه.. وكل الناس تشوف علي جني انا العروسة … <<< معقوله

تدرين مع من سولفت أمس بالشات ؟
مع لبناني وحاط صورته يمة يذوب … شعر اشقر و عيون خضرا .

((و نخلص بالبنات اللي اختصاصهم الحش ))

شفت فلانة امس فاتحة شعرها جنه خرطوم حريجه.

ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة .. << مايسوى على البنت

ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .

و في النهاية تجي معلمة و تقول ماشي قلم : وين انتوا في سوق سمج ؟ وحنا نقوم نضحك كالعادة …