حاسة بأكتئاب شديد , أنقذوني بكلمات ترفع من معنوياتي , بمووت من الضيقة !!

تاكدي ان وايد غيرج يمرون ومرو بهالتجربه
لا تحسسين نفسج انج محبوسه ومضغوطه بسبب عيالج بالعكس تذكري دايما انهم نعمه من ربج وامانه لازم تحافظين عليهم وتعطينهم حقوقهم.. وتذكري ان وايدين محرومين من اليهال ويتمنون يكونون في مكانج بتلقين نفسيتج بترتاح

أختي الغاليه

كوني راضيه دائماً

يمكن أنتي في نعمه غيرج يحسدونج عليهاا..

اما بالنسبه للروتين شي طبيعي أغلب الناس يعانون منه..

قال تعالى ( وقرن في بيوتكن ) لو ماكان البيت هو المكان الصحيح والآمن للمرأه لما أمرنا الله تعالى به

بعدين ياما طلعنا مطاعم واسواق واعراس وسفرات ورحنا هني وهناك وبعدين ؟ شنو المكسب من كل هذا

بالنهايه مالج غير بيتج وزوجج واطفالج هم بالنسبه لج حياتج ومستقبلج ومالج غيرهم

حاولي أنج تسّلين نفسج بطريقه او بأخرى وماشاء الله النت كل شي موجود فيه..في أفكار كثيره حلوه

اسئل الله لج التوفيق..وان شاء الله تولدين بالسلامه

فمان الله

لا حول ولا قوة إلا بالله

غاليتي

استهدي بالله ,, واستغفري بخشوع واطمئنـــان

الحياة حلوة ,, وسعادتــج انتي الي تبنيهـأ

لا تكدريــن على نفسـج وتزعلين عمرج وانتي ماشاء الله عايشـة في نعمة فقط المحرومات منها بيعرفنهـــأ

رب العالمين أكرمج بريل واسرة غاليتي ,, لا تخلين الشيطان يقص عليج أعووذ بالله منه

ويكدر عليج عيشتــج السعيدة

لا تركزين على التفاصيل الصغار وتنسين المهم غاليتي

أول شي اهتمي بنفسج لإن لنفسـج عليج حق

مب ضروري تطلعين عسب تستانسين ,, حاولي تنظمين وقتج أكثر بالبيت

ومرة أو مرتين في الشهر سوي عزيمـة صغيرة لربيعاتج واجتمعي معاهم سوالف وضحك

حاولي غاليتي تقومين الليل ولو ركعتين قبل الفجر

صدقيني يومج بيمر وانتي عندج طاقـة وبركـة ما تتصورينهـــأ

خصصي وقت للمتعـة مع عيالج ^^

والعبي معاهم ألعاب طفوليــة واشياء مرحـة ,, تنفسين على نفسج

وتوطضين علاقتج مع عيالـــج

ومافيها شي أختي إذا شفتي أخصائيـة نفسيــة

يمكن تعطيج قواعد واساليب تنظم ياتج أكثر وتسعدج أكثر ليش لأ

وبعد اذا تقدريتن تخلين عيالــج مع الوالدة أو أهلج يوم واحد أو يومين في الشهر

وخصصي هذا اليوم لنفسج ولريلـج ولتجديد حياتكم الزوجيــة غير عن الروتين اليومي

حتى لو اضطريتو تسيرو إمارة ثانية منها تغيير جو ^^

وربي يوفقج ويسر أمورج أختي

——————————————————————————–
اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .