جبنيه بالتمر على طريقه منال العالم

السلام عليكم ورحمة الله وبركاته

شخباركم كلكم
اكله اليوم من مطبخ منال العالم ……….. الصراحه حصلت وحده في منتدى منزله اكلات منال العالم مال رمضان ….. وحبيت اقول جزاها الله الف خير
انا وايد احب طبخ منال العالم ووايد جربت اكلات من اكلاتها والحمدلله كلهن يضبطن

وطبخة اليوم لذيذه وسهله

ما بطول عليكن
بسم الله نبدأ

المقادير
3 كوب طحين
2 ملعقه كبيره حليب مجفف
ربع كوب سكر
نص ملعقه صغيره باكنج باودر
نص ملعقه صغيره ملح
نص ملعقه صغيره خميره فوريه
ربع كوب زيت
ثلاثه ارباع كوب ماء دافئ
1 بيض
1 ملعقه صغيره فانيلا
نص كوب جبن كاسات

الحشو
10 جبن كيري
10 حبات تمر مقطع

للتقديم
1 علبة حليب محلى (انا استخدمت بداله صلصه التوفي)
ا ملعقه صغيره هيل (وانا اضفت الها ملعقة لوز مطحون)

الطريقه
في اناء العجن نضع المقادير الجافه مع 2 كوب طحين وباقي الطحين بنحطه حسب الحاجه يعني ونحنا نعجن

نضيف المواد السايله ونعجن حتى تتشكل عجينه متماسكه نخليها لين تتخمر

نفرد العجينه ونقطعها دوائر

نضع قطعه من الجبن وعليها قطعه من التمر

نغلق الدائره بتجميع كافة اطرافها على شكل صره وتأكدى انها مسكره عدل عشان ما تنفتح ويطلع الجبن وقت القلي

نقليها في الزيت

نحطها في صحن التقديم ونرشها بالحليب المحلى (انا استخدمت التوفي)

ونرشها بالهيل واللوز المطحون

وبالعافيه على الجميع