جامعة الجزيره وجامعة حمدان بن محمد الالكترونيه

وبنات جامعة حمدان بن محمد الالكترونيه عندي كمن استفسار بعد عن الجامعه
كيف اتكون الدراسه ووين اتقدمين الامتحانات وشو التخصصات القويه فيها
واذا وحده اتخرجت واشتغلت بشهادتها من هالجامعه اتخبرنا بعد
ووين مقرها هالجامعه

الغاليه انا ادرس فيها بدخل فالسنه الثانيه ان شاءالله..
الدراسه شرات باقي الجامعات وزينه الدراسه بتكون سهله حق اللي يشد حيله..
انا هذا تخصصي ان شااءالله Business & Quality Management
قالولي ان مطلوب لان كل مكان يحتاجون الجوده في ادارة الاعمال ..
في مواد ترومين تاخذينها اون لاين يعني ماله داعي تحظرين ..
ومقرها فالاكاديميك ستي وين جامعة زايد والغرير ..

هذا موقعهم http://www.hbmeu.ac.ae/en/home/
ها اللي عندي احين وأي استفسار ثاني انا حاظره .. ^^

حبيبتي الله يوفقج ويرزقج بالزوج الصالح الغاليه
بس انتي اتسيرين هناك مقرهم تدرسين ولا كله اون لاين
وسؤال ثاني تقدرين تختصرين عدد السنوات والتخصص اللي انتي خذتيه
تقريباً كم سنه ؟؟ وشو رسوم هالجامعه ؟؟

المشاركة الأصلية كتبت بواسطة الـجـمـيـريـه

حبيبتي الله يوفقج ويرزقج بالزوج الصالح الغاليه
بس انتي اتسيرين هناك مقرهم تدرسين ولا كله اون لاين
وسؤال ثاني تقدرين تختصرين عدد السنوات والتخصص اللي انتي خذتيه
تقريباً كم سنه ؟؟ وشو رسوم هالجامعه ؟؟

هيه الغاليه اسير لاني ماخذت مواد اون لاين احس صعب ..
اعتقد ترومين اذا كنتي دارسه فجامعه قبل وماخذه مواد بيعادلولج وبجي بتقل المواد عليج ..
امممم هم 4 سنوات.. ورسومها واايد اوكيه امممممم 23000 السنه واايد زين بالنسبه للجامعات الباقيه .. والماده تقريبا ب 2160 ..

انزين لو النسبة69.7 بيقبلوون لان من الشروط 70

يعني مافي مجال يقبلوون !!