ثياب الحوامل مساعده بليز !

عزيزتي بالنسبه لجلابيات الرضاعه انا اشتريتهم من السعودية في محل اسمه واحة الجلابيه وايد حلو وجلابياته راقيه ما اعرف بصراحه اذا في في الامارات نفس النوعية انا الحين وديتهم عند الخياط يقصرهم بعد ما اجيبهم بطرشلج الصور على الخاص اذا حابه

اما ملابس الحمل حسب انتي شو تحبين من الملابس انا عن نفسي احب البس البنطلونات والفساتين القصيره احسها وايد كيوت على الحوامل والمحلات اللي اشتري منها مذركير وبنتون وبريماما(داخل BHS)وستي ماكس

انا حاطه في بالي اخذ من فيوليتا ودانتيلا و شيفون يواريه ,, اشوف ان ملابسهم وااايد تناسب وراقيه ^^

هذيلا فالعين ,,

وشيفون سواريه موجوده عندنا فالمنتدى ترومين تطلبين منها

عن تجربتي الخاصة عيزت وانا ادور محلات الي يبيعون ثياب حوامل ماخليت مكان في الشارجة ودبي مادورت فيه وماحصلت لييييييييييييييين الله سبحانه وتعالى دلني على محل في شارع الوحدة مقابل حديقة المجاز كله ملابس حوامل

انا الصراحة شريت منه فستان واحد قلت اجربه

اما جلابيات الدانتيل حق عقب الولادة مافيه احلى من الخياييط الي في الخان الي مقابلين المباني الحكومية

يوم ربيت ببنتي سرت سوق نايق وخذيت قطع حلوة لانه الخياط قطعه مب هذاك الزود (( انا افضل القطع الي تكون فيها نسبة من القطن )) طبعا القطع الي خذيتهم كان الوار على 4 دراهم بس شو قطع عجيييييييبة وسرت لاحسن خياط وفصلتلي جلابيات واخترت موديلات راقية وكل من شافهم تخبل عليهم ومايصدق انه القطع الوار على 4 دراهم هههههه

وناوية ان شاء الله افصل مرة ثانية حق البيت لانها كانت تجربة ناجحة

وسلامتج