توثيق العلاقه بين ولي الامر والمدرسه

المشاركة الأصلية كتبت بواسطة الوشاح_الأخضر

اممممممممممم..عندي كمن فكرة أن شاء الله تفيدج:

1- بريد الأهل:
هالفكرة وااايد حلوة، لصقي أضرف رسايل حلوة في كتاب كل طالب من داخل، وقولي لهم أذا ماما تبي شي خلوها تكتب لي وتحطه في الظرف، وهالشيء وااايد يريح اولياء الأمور عن ما ايييون المدرسة، وكنت بين فترة وفترة أطرش لهم تهنئة بمناسبة معينة وجية..واااايد استانسوا عليها الأهل.

2-تقارير متابعة الطالب:
أفضل شيء اطرشين مع الطالب تقرير اسبوعي عن مستواه، وتذكرين فيه شو خذوا هالأسبوع ووين مستوى الطالب الحين، وهل نسى الواجب ولا لا…هالشيء يخلي أولياء الأمور متفاعلين أكثر وياج، وصدقيني من ينزل مستوى الطالب راح يساعدونج..ويشدون عليه.

3-التواصل عبر التليفون:
هذي أحس صعبة على المعلمات اللي ما عندهم وقت، بس حلوه اذا بتقدرين تطبقينها، خلي عندج رقم ثاني مخصص لوليات الأمر، ووزعية عند طالباتج، وخصصي نص ساعة في اليوم لتلقي المكالمات، وعقب أغلقي التليفون، تبعن خبريهم بالوقت متى….رح تشوفين قد اشوه بيصيرون وليات الأمر يحبونج، وحتى اليهال بيحبونج أنج مهتمه فيهم وتكلمين أمهم.

4-الطالب الغايب والمريض:

ما في أحسن من المعلمة اللي صدق تهتم بطلابها، روحي وخذي الملف الصحي مال صفج من عند النيرس، وشوفي من من طالباتج عندها مرض، في بنات عندهم السكري وحد فشل كلوي وحد صرع، يعني لازم تكونين عارفة هالأشياء علشان لا سمح الله ما تطيح عليج وحدة من البنات، وفي حال غابت وحده من الطالبات لازم تسألين ليش غايبة، روحي عند الأخصائية وأسألي عنها.

5-حصة مشاهدة لوليات الأمر:
سوي حصة تخصصينها لوليات الأمر أنهن يحضرن عندج، اليهال بيفرحون وااااايد انه أمهم موجوده.

وموفقة عزيزتي أن شاء الله أفكاري عجبتج…

وااااااااااااااي فديتج وفديت اهل الامارات كلهم
انا كويتيه وكنت ادري حبيباتي الامارتيات ماراح يقصرووون بأفكارهم
مشكوره على الافكار باخذ جم وحده لاني ادرس ثانوي بس ما أتوقع بريد لأهل بيصلح لهم لأنهم كبار

يالله حبووووووبات أبي افكار بعد

ههههههههههههههههههههههههه قريت النيك نيم و اقول انا عمري ما كتبت هذا الموضوع طلعتي نفس نك نيمي و اختي تقولي كيف صرتي عضوة يديدة ههههههههههه

اااااااااب