تعقيب1 | بضحي عسب عيالي و مابي اطلق ابي حل

السلام عليكم ..

تعقيب للمشكله السابقه
http://forum.uaewomen.net/showthread…A-%D8%AD%D9%84

خواتي انا سبق و خبرت عليه اهلي و تميت معلقه شهر
و هو بنفسه رجعني و زعل ليش خبرت اهلي وايد ..
طبعا ابوي ادبه و ابوه كذلك و اخواني شجعوني على الطلاق و ان هالريال ما يتعاشر بتاتا ..

و اللي تقولي كيف ساكته والله ان اضربببه و ما اسكت و اهجره عسب يحس بغلطه ��

و اعطيكم مثال ..
هو في الدوام و قالي سيري المستشفى و يا اي حد من خواتي و في هالوقت كان ولدي مكان التطعيم وارم ..
طبعا حاولت اوعي اخته ما تنش ..
و يدخل البيت يعصب انتي ما وعيتيها و يعصب و يصارخ و يضرب ��

و طلبت حقي قالي كبري عقلج و لا تصيرين شرات اليهال و مب فاضي لج يعني ابدا مش خايف

لان هو مريض و ياخذ ادوية اكتئاب و صرع و ألام في الظهر

و طبيعه عيشته في الماضي كانت صعبه و امه و ابوه في بيت واحد شرات الاخوان الحق فقط للزوجه الثانية ..

خواتي كذا مرة سرت بيت هلي بس بنتي تطري وين بابا وولدي يلصق في اخواني و بذات اخوي اللي يشبه ابوه و يرجعني او اكون عند اهلي و انذل اذا ابغي شي

هو كل شي يوفرلي مقصر على نفسه و يعطينا بس عيبه هالضرب يقول ماعرف ايود عمري و يندم و يقعد يتناقش معاي بعد الضرب ��

المشكله الاخيرة اللي صارت بنتي انجرح ريلها و حاولت اوقف الدم دخل و سبني سببب فيني و ف اهلي قلت احترم نفسك قام و ضربني دافعت عن نفسي لكن هو اقوى اكيد و اخر شي يقعد يصيح و طلعني وداني المستشفى عسب اييدي ..

هذا هي التفاصيل