تصويت عن أفضل دكاترة الولادة والنساء في مستشفى الزهراء الشارقة!!!!!

انا كنت عند نفيسه .. بس حولت ملفي على دكتوره شما .. هم عموما يمدحون ثلاثه دوم .. نفيسه .. شما .. اميره

شما وايد سويته و شاطره .. سرت عند وايد دكاتره بس شما اوكي و تعرف شغلها و اهم شي ايدها خفيفه خخخخخ

السلام عليكم..

أنا بعد أراجع عند نفيسة ..

و اجازتهااا بتخلص عقب العيد ..

ع العموم >> يمدحونهاااا و نحن ف العايلة مجربينهااا مرتين ..

و البقية ما أدري عنهن…

و الله يسهل ع الجميع

الله يسهل عليج حملج ولادتج يارب..

انا اللي اعرفها واللي كل وحدة تمدحها هي دكتورة نفيسة..

واذا هي مب موجودة.. انشالله رب العالمين بيسهل عليج ولادتج بها والا بغيرها.. بس خلي ايمانج بالله قوي.

بس حبيت اقولج.. انشالله لما اييج العوق.. لا تستعيلين وتسيرين المستشفى بسرعة.. اتريي شوي.. وحاولي تشربين شي حار مثل الجرفة او الزعتر او الزنجبيل.. وسيري عيادة خاصة عشان يخبرونج عن عنق الرحم.. كم انج مفتوح.. واقري طول الوقت الآية رقم 54 من سورة الاعراف "ان ربكم الله الذي خلق السموات والارض في ستة ايام ثم استوى على العرش يغشي الليل النهار يطلبه حثيثا والشمس والقمر والنجوم مسخرات بأمره ألا له الخلق والأمر تبارك الله رب العالمين"

الله يسهل عليج ويرزقج ويرزق جميع المسلمين الذرية الصالحة يارب.