تجمع لأي أم محتارة وين بتسجل ولدها السنه اليايه تعالوا ساعدونا

ولدي الحين صف KG1

المفروض هو KG2 بس تعرفون نظام التربيه الولد ما يدش إلا اذا كان ياي قبل شهر 4 وانا ولدي ياي شهر 5
احس حرام ضايع من عمره سنه بس عشان هالشهر

وافكر السنه اليايه ادخله مدرسه خاصة صف اول
بس يقولولي حرام ضغير وخليه يتأسس صح وأنا محتارة؟

انزين ندخل في صلب الموضوع

نبا من صاحبات الخبرة يقولولي شو احسن مدرسة بين هالمدارس لاني وايد محتارة بينهم
1– مدرسة الشويفات
2- الامارات الوطنية
3- ليوا
4- المدار

ابا اعرف هالمدارس من ناحية التدريس والاهتمام والمستوى والتواصل مع الاهل

الله يخليكم لا تبخلون علينا بأي معلومه
ووفقنا الله وإياكم عالدرب الصحيح