تجمع لأحلى مكان زرتييه سواء فالدوله أو خارج الدولة

السلام عليكن
مساكن الله بالخير خواتي .. أنا اليوم حبيت أطرح موضوع بعيد عن المشاكل الأسرية ، خلونا نفرفش شويه ونخلي هالتجمع كمصدر لكل وحدة تريد تتكشت وتغير جو سواء فداخل دولتنا الحبيبة أو خارجها .
نبدا فأول سؤال .
مكان زرتيه انتي وبو الشباب وما تنسينه ؟؟؟
اللي عيبج فها المكان ؟؟
والمواقف الحلوة واللي هب حلوة مريتو فيها ؟؟

عني أنا أذكر مرة أنا وبعلي العزيز طلعنا ع الفجيرة ومرينا صوب الفقيت هاي منطقة فالفجيرة وااايد حلوه قعدنا ع البحر وسولفنا وعيبني موج البحر يوم يروح ويرد واشترينا ذره واتصورنا وعقب رحنا صوب خورفكان منطقة جدا جميله وهادية وقعدنا نتمشى ع الكونيش ، وفالنهايه توجهنا لسوق اليمعة الغني عن التعريف وخذنا لنا من ذيج الخضرة الغاوية صدق امارة الفجيرة وااايد حلوة لتغيير الجو ….

خلص دوري أترييا ردودكن