تجمع أولياء أمور طلاب الشويفات

هلا عزيزتي

اول شي أشكرك على التفاعل

الشويفات ف خليفة ا

وصراحة يوم قلتي انج بتنقلينهم من مدرسه أقوى عن الشويفات

شوقتيني عشان اعرف اي مدرسه هاي؟

لان أنا اللي اعرفه ان الشويفات من أقوى المدارس بالدوله

وممكن نحصل مدارس في نفس مستواها بس أقوى عنها اول مره اسمع بهالشي

غالبا تقدرين تنقلين عيالج للسنه إليايه طبعا

لان هالسنه خلاص سكروا باب التسجيل من شهر٣

طبعا لازم تروحيلهم شهر ٢ او ٣ او تتصلين فيهم تسألينهم

متى بيفتحون باب التسجيل للسنه اليايه

وحسب الأماكن المتوفرة عندهم

طبعا يوم يفتحون باب التسجيل لازم تلحقين تسجلين بسرعة

لان عليهم ضغط كبير و إقبال عالي

عقب بيحددون لج موعد المقابله للصغار و امتحان تحديد المستوى للكبار

ولو اجتازوا عيالج الامتحان بنجاح أكيد بيقبلونهم

ولو حد منهم نجح و حد منهم لا ممكن يقبلون اللي نجح

واللي ما نجح ممكن يعرضون عليج تدخلينه سمر كورس

و بعدها يمتحنونه مره ثانيه و لو نجح يدخل مع اخوانه

شوفي المدرسه لها امتيازات وأيد

اولا اسعارها معقوله يعني مقارنة بغيرها من المدارس القوية ما تعتبر عاليه

وثانيا تعليمهم جدا قوي يعني فعلا تحسين انج حللتي فلوسج

مش نفس بعض المدارس اللي أقساطها عاليه

و الطالب اخر سنه يتخرج كأنه متخرج من مدرسه حكومية

ثالثا عاد و الأهم ان هالمدرسه ما يعطون الطفل واجبات من مرحلة الكي جي ون

لين صف رابع ابتدائي

ورغم هذا كله العيال يكون مستواهم ممتاز

يعني مدرسه عريقه فعلا

إنتي من سكان خليفة ا ؟

لأَنِّي ما شفتج قبل فتجمع سيدات خليفة ا اللي فالقسم الاجتماعي

وأيد حلو التجمع و نحن مسوين شله و تعرفنا ع بعض

يسعدنا تنضمين للتجمع بعد