تاخرت الدورة + التحاليل سالبة + السونار ما في حمل

اخر دورة كانت لي 29/12/
المفروض تنزل لي يوم 29/1/ بس ما نزلت

ترييت 5 ايام وسويت تحليل منزلي وطلع سالب
يوم 6 من تأخير الدورة رحت للدكتورة سوت لي سونار قالت بطانة الرحم سميكة .. وما مبين ان في دورة وبتنزل
المهم خلتني اسوي تحليل الهرموني وطلع مافي حمل
عطتني دوفاستون اخذه لمدة 5ايام من تاريخ 6/2/
كملت عقب ما خلصت الدوفاستون 7 ايام وما نزلت .. رديت رحت للدكتورة يوم 17 من تاخير الدورة .. جيكت بالسونار وما بين ان في حمل وكالعادة قالت بطانة الرحم سميكة … اتريي لين أسبوع واذا ما يت ردي خذي مرة ثانية دوفاستون لمدة 5 ايام ..

نسيت اخبركم يوم تأخرت عليه الدورة حسيت بأعراض خفيفة واول مرة احس فيها ( حلمة صدري كانت تعورني ، احس بدوخة ع الخفيف ، وكانت شهيتي مفتوحة ) والحين ما في اي اعراض

تخيلوا اخر دورة 29/12/ واليوم 23/2/ يعني بعد 5 ايام بكمل شهرين بالضبط وما يتني
ماعرف شو الحل
انزين شو يعني بطانة الرحم سميكة ؟؟ يعني في حمل ولا دورة ؟!!!!

طمنوني للي عندها خبرة او تجربة مرت فيها
ودعواتكم لي اذا كان حمل يبين واذا دورة تنزل

سامحوني على الاطالة