بنات راك ابا مساعدة ياية راس الخيمة هالويكند

المشاركة الأصلية كتبت بواسطة tadom

هيلتون ولا روتانا
ها غير وها غير

اسمه جي هيلتون روتانا واعتقد من شركات روتانا الارقى مب الجديم

بنات راك ماتوقعتكم جي اما اعرف الاماكن ضروري بلييييييييييييييز

حبيبتي السفير فمنطقة الظيت تسالين اي حد عن السفير مول بيخبرج..ومحلات المخاوير والعبي والمغربي أغلبهم فشارع لكويتي..وفي مركز الحمرا عندنا بعد فمنطقة الجزيرة حلو ماسرتله بس سمعت عنه..!!بعد شارع الكورنيش حلوو..ومرحبابج فراس الخيمة لو يايه فالشتا بقولج سيري عوافي^.^

السلام عليكم ..
إختي بالنسبة للأسواق .. ما عدنا أسواق واايد يعني شرات دبـــي
مركز المنار و السفير و الحمرا
تبين مركز متكااااااااامل بيكون مركز المنار و الحمرا بعد فنااان بس ما سرته كامل يعني أعتقد في محلات بعدها ما فتحت ..
في محلات تلاقينها في المنار بس ما تحصلينها في السفير و العكس محلات في السفير ما تحصلينها في المنار ..

شارع الكويتي بتلاقييييينه زحـــــــمة كله محلات من محلات عبي إثياب و مخاوير و في مركز الواحة بعد في محلات عبي ..
بالنسبة للكورنيش تقريبا للحين ما خلصوا في ترتييبه .. بس مري عليــه ^ـ^

و عدنا مراكز يديده الحين بينونها ما خلصوها خخخخخخ
مركز النعيم مول ,, رأس الخيمة مول .. و حديقة مائية في الحمرا ..

بالنسبة لفندق الحمرا عندج شاليهات و فندق يكون تقريببببا كلهم مكان واحد ويا سوبرماكت إسبنس و الحمرا مول .. يعني كلهم مكان واحد
و أغلبية يلي يسكنون فيه أجانب ..

و إنتي أضني ساكنة في الكوف روتانا اليديد في الظيت الجنوبي ( روووعة هالفندق) .. و إلا فندق الهيلتون اليديد في معيريض

و حياج الله شيختـــي