بنات الشهامة احتاج مشوورتكم؟؟

انا رأي ان الشهامة وااايد حلوة
متوفر فيها كل شي …محلات وجمعيات وخياييط وصالونات ومخابز وكافتيريات ومستشفى الرحبة
ومحلات شوكولاته وبنوك وسوق خضرة وفواكه ومصلى عيد ومساجد متوزعة بشكل ان كل بيت في مسجد قريب منه
وبعدين هي منطقة سكنية مية في المية…ومب زحمة نفس داخل بوظبي
وبعد تتصلين على البقالة ولا الكافتيريا ولا الدوبي …ويوصلج لعند البيت

هي تبعد عن كارفور المطار 20 دقيقة … وعن العين ساعة تقريبا
سويحان وااايد قريبة بس ما أعرف كم بالضبط
وبعد قريبة من دبي…تبعد عن ابن بطوطة ساعة بالكثير

من ناحية الناس على حسب..
الناس اللي في البيوت الشعبية القديمة هم الاصل ..بتلاقين فيها تجمعات
مناطق فيها يمنين ومناطق فيها عمانين ومناطق اماراتين من أهل بوظبي
والناس اللي في البيوت الجديده مثل الشهامة الجديدة والرحبة والباهية (ترا كل هذي المناطق لاصقه في الشهامة كأنهم منطقة وحده)…
في هاي المناطق بتلاقين خليط من كل الاصناف..
ناس من بوظبي ..وناس من الشارقة ولا دبي ولا الامارات الشمالية والغربية والعين
وعرب على بلوش على عجم… كل الاجناس

بالنسبة للمدارس…فيها رياض أطفال وفيها مدارس خاصة
بس مب نفس مستوى داخل بوظبي

الحين وصلنا للسكن…اذا شقة ..ما في بنايات وايد تصلح لسكن المواطنين
هي بناية ولا ثنتين ودايما فول… ماتحصلين شقة فاضية
واذا بتأجرين ملحق في الشعبيات …بيكون رخيص وهدوء وما في زحمة
بس اعتقد صعب انج اتحصلين
وحده من أهلنا كانت أدور من فترة قريبة وما حصلت شي مناسب
يمكن لأن مخصص السكن مال ريلها وايد ضعيف

مشكوووورة العالية ما قصرتي

جزاااكي الله الف خير

تسلمين الغالية اليامي على الرد
ممكن خدمة ثانية تعرفون بيوت للإيجار أو ملاحق في الشهامة

وسؤال ثاني إذا ممكن
منطقة الباهية اعقد جيه اسمها ومنطقة الشامخة قريبه من الشهامة الجديدة يعني لو سكنت في الباهية أو الشامخة كم راح اخذ وقت عشان اوصل الشهامة؟؟

مشكورين اتريا الرد بسرعة

مشكور اختي على الرد