بنااااااات ساعدوني بليييز >< . ابا اعرف عن ماليزيا

هــلآ حبـــوبـــه..

الغآليــه مآليزيــآ حلوة..
لنكآوي وجزيرة بيبنيج لو سرتي بتستانسين وآيد..
واللي تقولين عنهـآ فوق الجبل هآي منطقة اسمهـآ جيتينج وآيــد كشخه تنفع ليومين ولا يوم تقعدين فيهـآ فيهـآ العاب وفوق الجبل عجيبة بين السحب..
عن الفندق أنـآ كل مـآ اسير أسكن ف برجايا تايم سكوير مـآ بتندمين لو سكنتي فيه هو عبارة عن فندق وتحته مول متى ما حبيتي تنزلين المول بتنزلين وكل شي دآخله شي ستار بكس وكنتاكي وماكدونالدز يعني لو تعبانه ما يحتاي تطلعين برع كل شي جريبج وحتى في العاب وايد ادخلي جوجل واكتبي اسم الفندق وبتشوفينه فيه محلات حلوة وايد شي ماركات وشي عادي كل طابق فيه شغلات حلوة والاحلى انج ساكنه فيه..
ومن ناحية الاكل بيعيبج..كل شي كلها مطاعم عربية والمولات وانتي وتتمشون بتحصلين كل شي بشارع العرب..
^ـ^
بس جوهــآآ حــآر ترى يعني عآدي..
ولو حابه تسالين عن شي ثاني حـآضرين بالخدمه..
والله يحفظج حبوبه..

والله الغالية ماليزيا وايد حلوة بالفترة اللي بتسيرين لها بس هي بتكون شوي حارة بس جوها ترا استوائي يعني فجأة تلاقين المطر طاح وحتى لو كان الجو حار

بالنسبة لمخطط رحلتي هو الأغلب يكون هذا الباكيج من وكالات السفر وأنصحج فهالأماكن وااااايد حلوة

في كوالالمبور قعدنا 4 أيام في فندق بيراميد (الأهرامات) في سن وي لاقون….واايد حلوة المنطقة والفندق نفسه فيه مدينة ألعاب ومول

من كوالالمبور رحت لمنطقة جنتنج ل3 أيام وأعتقد واااايد كافية هال 3 أيام..منطقة فوق الجبل ووواااااااايد بااااااردة لدرجة ان الفندق ما فيه مكيفات..هو فندق واحد العالم تروح له أظني اسمه وورلد هوتيل…فيه مدينة ألعاب داخلية وخارجية وتقدرين تستفيدين أكثر عنها عن طريق موضوع الأخت القصر وفيها تلفريك…الصراحة واااااايد حلوة وما تتفوت

وعقبها رحنا لجزيرة لنكاوي ل 4 أيام ووايد كافية…قعدنا ففندق اسمه برجايا ريسورت…وااايد حلو مثل كرفانات في وسط غابة…جزيرة وااااااااااايد حلوة وهادية خصوصا للمتزوجين…فيها وايد مناطق تقدرين تروحين لها مثل حديقة الورود والفراشات والتلفريك وحديقة الفواكه والشلالات وتقدرين تاخذين رحلة حول الجزيرة أظني ب 200 للشخص بس وااايد حلوة الرحلة…تروحين لجزيرة التماسيح وكهف الخفافيش ويمرون بج بمطعم في البحر….جزيرة تستحق الزيارة

عقبها رجعنا لكوالالمبور ومنها رحنا مرتفعات الكاميرون ل 4 أيام بس ما أذكر اسم الفندق…منطقة وااااايد حلوة وهادية وفيها كل شي بس مولات صغيرة….فيها صرافات ومطاعم وجبات سريعة..مزارع الشاي ومصنع الشاي نفسه…وحديقة الفراولة والفواكه والورود…بس المب حلو فيها الدرب…كله منحنيات تقريبا ل 4 ساعات وانتي تمشين فمنحنيات وسيد واحد بس الدرب عموما حلو كله خضرة ومناظر روعة وشلالات

ومن الكاميرون رجعنا لكوالالمبور وقعدت فيها 4 أيام في فندق برجايا تايمز سكوير… ورحت الجاينا تاون..السوق الصيني….وفيه وايد مولات عندهم ومناطق سياحية مثل البرجين والمطعم الدوار في أعلى بقعة عندهم…والسجون القديمة وقصر الملك وغيره والله ما تحضرني الأسماء بس أتمنى أكون فدتج

ولو تبين أي مساعدة أنا حاضرة ولو تبين صور لكل هالمناطق أنا حاضرة