بناااااااااات طفح الكيل من هالرياييل ):

[

FONT="Comic Sans MS"]السلام عليكم ورحمة الله وبركاته..
خواتي ..فتحت هالموضوع وانا ابا اتغير واكون لي شخصية مستقلة والله ما صارت هذي حياة
حياتي كلها متعلقة بريلي (حسبي الله عليه)اتم افتج وراه احس نفسي بنفير من القهر يوم اجوف حسابه عاليوتيوب لدرجة وصلت فيني المواصيل اني يلست اليوم ادور بجوجل كيف انشأ حسابي الخاص على اليوتيوب بس ابا اقهره>> قمة الغباااااااااااااااء
وأنا عارفة اليوتيوب ومصايبه بس اخر شي هونت وقلت ناقصة انا ذنوب مع ان هدفي منه بخليه محاضرات دينية واشياء مفيده بس مثل ما يقولون(ابعد عن الشر وغنيله)
وكم مرة افكر اشترك بفيس بوك او تويتر لكن والله اخاف انحرف واتركه لله
يعني صارت حياتي انتقام وثأر تقولون داخلة حرب
وما يفرح قلبي الا يوم اجوف ريلي منقهر وانا عالمسن يقول ترمسين منو؟؟
وانا ربيعاتي فديتهم>>وأنا ما ارمس حد من الاصل
صايره اشككه بنفسي اباه يحس ويحترج مثل ما انا احترج بداخلي…لكن الحل..
قراري كان هو تكوين شخصية مستقله لها مكانتها ادرس اتعلم اشتغل ابدع اهتم ببيتي وريلي وولدي اكون لي علاقات وصداقات استمتع بمهاراتي اثقف نفسي افكر باخرتي وأنا ادري ان معظم حريم هالزمن شراتي بالضبط ما يهمهن غير ازواجهن ولو على حساب دينهن
فخلوا عنكن البلاده وخلونا نطالب بحقوق المرأة..شكلها بتستوي مظاهرات
ها شو قلتن؟؟نبدأ حمله التغيير؟؟
وبيكون هني تواصلنا اهدافنا انجازاتنا تغييراتنا نشجع بعض وننصح ونتعاون
لنرتقي بانفسنا..بالله عليكم مستانسين والريال بدوامه مع زميلات العمل على قولتهم وهالزميلات بأبهى حلة وبأكشخ لبس ودلع وريحة وانتي في البيت تصارخين انتي وعيالج وتنتظرين ريلج بكل لهفة وهو ولا على بالهوتنسين نفسج في خضم مشاغل الحياة لا كشخة وجسمج فيه انواع التضاريس وبدائية تقولين من العصر الحجري لااااااااااااااااا
أنا ما اشحنكم على رياييلكم لكني اباكم تحبون انفسكم حتى يحبكم ازواجكم وتكبرون في عيونهم
أنتظركم يالغاليات عسب التغيير الجذري بحياتنا بإذن الله..[/FONT]