بعد الولادة وكيفية العنايه

من عقب الولاده تبدين تربطين بطنج واذا على الويه والتنظيفات متى ما شفتي عمرج فاضيه شويه والبيبي راقد اشتغلي بعمرج

الحمام المغربي اسويه عقب الاربعين …طبعا مش اربعين …قصدي عقب النفاس
اول ما اخلص اسير الصالون واسوي حمام مغربي وواكس ومنيكير وبديكير واتحنى واصبغ شعري وحمام زيت
ما احب الفيشل عسب جيه ما اسويه
يعني تسيرين تسوين كل اللي فخاطرج وتردين عروس لريلج عقب الاربعين

طبعا لا تنسين تهتمين بالمنطقه الحساسه من ناحيه الخياطه والاهتمام فيها
وتسوين لها سكراب مع كل حمام هي والمناطق اللي اغمجت عندج فالحمل مثل الرقبه والكواع والركب والبطن

امممم ولاتنسين تزهبين لعمرج كمن قميص نوم يداد وكمن بدله بعد عسب تكونين كاشخه

هذا اللي يا على بالي الحينه واذا تذكرت شي بخبرج

السلام عليكم خواتي،،،،،

دمووووع ماقصرت في الإجابة

1) متى بديتوا تسوون حمام مغربي وتنظفات للويه؟
بعد النفاس مايوقف،، حمام مغربي بعده فيشل ومانيكير وباديكير
بس مانصح صبغ الشعر في نفس يوم الحمام المغربي لأن المسام مفتوحه وبيضر بصيلات الشعر

2) واللي زاد وزنها كيف نزلته ومتئ فترة الأربعين ولا عقب الأربعين؟
دام انج ترضعين لاتفكرين في الريجيم،، الرضاعه بروحها تضعف وايد
لكن بعد الولادة في تمارين بسيطة تسوينها في البيت وبعد 6 اسابيع بعد الولادة (بعد مايرجع الرحم لوضعه الطبيعي) تقدرين تمارسين رياضة بالتدريج في النادي

3)واللي صبغة شعرها متى صبغته ؟
أي وقت تصبغينه عادي بس اختاري الصبغة الخالية من الامونيا،، وانا حامل استخدم ماركة إينوا من لوريال في الصالونات الكبيرة،، واذا ريلج مسافر.. قبل مايرجع بثلاثة أيام او بالكثير اسبوع اصبغي
بس مثل ماقلتلج لاتصبغين في يوم الحمام المغربي

من الحين ابتدي تهتمين بجسمج في البيت في فترة الاربعين:
سكراب للجسم كامل كل ثلاثة أيام وبعده كريم (افضل زبدة الشيا،، تشد الجسم وتجدد البشرة وتشيل خطوط الحمل) وللوجه الماسكات الجاهزة اللي في اكياس استخدام مرة وحدة وايد حلوة بعد الحمام على بشرة نظيفة

اهم شي اهتمي بتغذيتج ونصيحة وانتي ترضعين شفطي بطنج على داخل طول وقت الرضاعة

لاتسوين تقشير قوي للوجه ولا للجسم (في صالون او عيادة) لأن الجسم بعده فيه هرمونات الحمل واللي تسوي اسمرار شديد اذا تعرضتي للشمس او التقشير القوي
لكن بعد 6 شهور تقدرين تراجعين في عيادة جلدية او مركز تجميل سمعته طيبة عشان تجميل البشرة والبطن اذا احتجتي

ترى هذي نصايح ذهبية

مشكوره أختي دموووع على النصائح
مشكوره أختي um eithar على النصائح