تخطى إلى المحتوى
الرئيسية » بسير ماليزيا ان شاء الله واول مرة انسيرها و مب عارفين كيف انخطط ~

بسير ماليزيا ان شاء الله واول مرة انسيرها و مب عارفين كيف انخطط ~

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته ..~

اشحالكم .. نحن ان شاء الله بنسير ماليزيا من 17/7 الين 3/8 و مب عارفين كيف انخطط.
لانه اول مرة نسير .. ونحن ما شاء الله ثلاث عوايل و معانا صغار بعد .. يعني مب عارفين كيف التخطيط .. انا شفت فمكان تجمع المسافرات لماليزيا ولكنهم حاطين لـ 12 يوم ونحن بنتم 18يوم تقريبا .. يعني نحن اول يوم ان شاء الله بنكون فكوالالمبور ..

فاتمنى من الي تعرف تخطط اتخططلنا الرحلة يعني كل مدينة كم يوم تستاهل نيلس فيها ..

والسمووحه على الازعاج ..~ فانتظاركم ..~

الوسوم:

8 أفكار بشأن “بسير ماليزيا ان شاء الله واول مرة انسيرها و مب عارفين كيف انخطط ~”

  3. hamida
    الرد

    سيلانجور ثلاث ايام
    لنكاوي ثلاث ايام
    جنتج ثلاث اياام
    الكميرون يومين
    وكوالا سبع ايام
    وشان تبون بينانق حلوه بعد لكن بتكثر عليكم التنقلاات وصعب شوي ويا اليهاال,,
    سفره موفقه حبوبه..
    ودوري فقوقل بتحصلين تقارير واااايد عن ماليزيا وكل تقرير احلى من الثاني,,

  5. سندس
    الرد

    ذكرتيني بشهر العسل …. ماليزيا وايد حلوة … وبتستانسين فيها … نظيفة وايد … انا تميت فيها شهر كامل (7)
    كوالمبور العاصمة … حلوة وراقية روحي عند شارع العرب … فيها مطاعم ومساج احنا سكنا في فندق ماريوت
    تمينا فيها 2 يومين …. عقب ركبنا طيارة ورحنا بيننغ تمينا فيها 3 ايام وسكنا في فندق الشانغريلا الصراحة البحر حلو والمكان هادي يعني احسها مملة وجوها كان حار وسوقها مب حلو وفيه عندهم نايت بازار … عقب رحنا لانكاوي تمينا فيها 3 ايام عندج خيارين ياتركبي طيارة ولا تروحي في المركب بس احنا فضلنا الطيارة لنكاوي كلمة روعة شويه عليها جنة الله في ارضه … سكنا في فندق ويسترن في الشاليه وداخل الشاليهات مسبح خاص … وايد روعة والجو كان مطر … اذكر رحت اسوي مساج والله العظيم احلى مساج سويته في حياتي في هالفندق … وبعدين رحنا جنتنج … باااااااااااااااردة وايد … وركبنا التلفريك …. بس احس تستاهل يومين فقط لانها مملة وباردة وايد بس يمكن اليهال يستانسو لانه فيها العاب وفيها بيت الثلج وفيها المساج للريول بالسمج جربيه مابتندمين … والفندق اللي سكناه ماذكر اسمه بس ماكان حلو … وعقب رحنا سن وي لاقون … وايد نااااااااااااااااااايس واليهال بيحبوها لانه الالعاب مائية
    والمول بعد حلو …. واخر شي ردينا كوالمبور ولفينا في المولات وعند البرجين الطوال … بس والله ماليزيا جنة الله في ارضه وااااااااااااااااايد حلوة … واهم شي المطاعم وايد حلوة وتاكلين وانتي مطمنة لانها دولة اسلامية ونظيفة وايد … اي استفسار انا حاضرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.