بااالغ الاهمية .ليش صار قسم العلاقات العائلية جذا؟؟!!!

السلام عليكم يا بنات
سامحوني على العنوان الثقيل اشوي لكن مو ملاحظين انه قسم العلاقات العائلية صار كله عن زوج وزوجه ؟؟؟!!! وعلى حسب علمي فهذي اسميها علاقة زوجية اكثر عن كونها علاقه عائلية..ا
دري انه بعضكم بيقول انه هم العلاقة الزوجية تعتبر علاقه عائليه هذا الكلام صحيح ولكن انتوا يا بنات صارت العلاقة العائلية كلها زوجي وريلي وريلج وتعالي سوي ولا تسوي لدرجه انه احنا ما صار لنا مكان بهذا القسم واذا بنت عندها مشكله مع حد من اهلها "والي اعتبرها انا شخصيا جدا مهمه وهي العلاقات العائلية" والي المفروض يكون مكانها هناااااا ما يلاقي موضوعها الاقبال الكثير كونه مواضيع الازواج طغت علي موضيعنا..ومشاكل الزوجات اكثر عن مشاكلنا!!!
فارجو من ادارة المنتدى ان تضع قسم خااااااص غير عن العلاقات العائلية اسمه العلاقات الزوجية…
وادري انه البعض راح يقول انه اغلبيه البنات الي هني متزوجات عشان جيه يطغون..زين والمعرسه هاي ما عندها الا ريلي اهل لها !!؟؟ ما عندها ام ما عندها اخو واب واخت !!!..يعني شو الفايده وحده خبيرة وفنتكه بعلاقتها مع ريلها ولكن علاقتها مع امها وخواتها وابوها خربانه ؟؟؟؟ ما فيه حد اهم عن حد وانا بالنسبه لي فاهلي الي عشت معاهم عمري اهم من ريال ما عرفته الا من كم سنه…

وانا تراني ما اقصد حد بالهموضوع لكني دخلت هالقسم لانه عندي مشكله وابي اعرضها ولكن للاسف الصفحه الاولى كلهاااااااااااااااا عن علاقات زوجية وراح انسخ لكم العنواوين عشان تتاكدون ولا تقولون اني اتكلم من فراغ… وهاي مواضيع الصفحه الاولى من هالقسم:-

### عامليه كثوبك الجديد " لدكتوره ناعمه الهاشمي"

### اخووووووووون ريلي !! استغفر الله العظيم

#### دخيلكم..انصحوني قبل ريلي مايخوني.. والله انه بريئ ومظلوم

### اذا اتسونها جدام امه واخواته…؟

### مفاجأة ريلي بعد ولادتي .. (

### أختي الكريمة جربي هذه الحركة و انتظري رد زوجك عليها ؟…………. ( 1 2)

### سالفة مرت اخوي ( 1 2 3 … الصفحة الأخيرة)

### كم تاخذين مصرف من ريلج؟؟ ساعودني في اتخاذ القرار

### وتقولون ليش الشباب يتزوجون من برا؟؟؟ ( 1 2 3 … الصفحة الأخيرة)

### ريـــلي صفعـــني … وحظــــني … ( الجزء الثاني ) … ( 1 2 3 … الصفحة الأخيرة)

### مهم للمتزوجين والعزاب‎ ( 1 2)

### الزوج الرومانسي

### هل ينفع في تضييييق؟؟؟ ( 1 2 3 … الصفحة الأخيرة)

### مواقف مضحكه مع هلوسات ماقبل النوم مع زوجك او اهلك ( 1 2 3 … الصفحة الأخيرة)

### شو تتمنين من زوجج يسويلج اللحين++قولي الي بخاطرج

يعني الصراحه اكثر من جيه ما اعرف شو اقول انتوا طالعوا المواضيع واحكموا هل ينفع لبنت مش معرسه تقراهم؟؟؟!!! بليز اعتقد قسم يديد ما راح يسوي شي ولا بيضر بحد على العكس راح يريحنا اشوي من هالمواضيع
والسموحه يابنااااااااااااااااااااات