انتي مع الصراحه بين الزوجين عن الماضي

المشاركة الأصلية كتبت بواسطة الحاكمة

هلا اختي قصص
مشكوره ع هالموضوع الحلو
انا بصراحه ما جربت هالشي
وبعدني مو متزوجه
بس اتوقع احسن الوحده ما تخبر عن ماضيها
انا سمعت ان وحده خبرت زوجها عن ماضيها وجلست تصارحه
هي ع بالها انه انسان متفاهم بس طلع العكس
زعل عليها وصار يشك فيها وبكل حركه تسويها يعني حتى صار ياخذ تلفونها ويشوف الارقام اللي عندها واذا كانت تكلم حد يسألها تكلمين مين وهي تقولها الصدق بس ما يصدقها الله يهديه
والرجال مب كلهم مثل بعض
انا اشوف انها ما تخبره علشان ما يصير بينهم مشاكل
وخليني نشوف ردود الغاليات
والسموحه ع الاطاله

مشكوره

انا معاج انه الطرفين ما يصارحون بعض

لكن الحرمه ما تروم الا تعرف عشان تتصور عمرها انها جيه بترتاح

ما تدري انها بتفتح على عمرها ابواب ما تتصكر

مشكوره

والله يرزقج بولد الحلال صاحب الدين يارب

انا عن نفسي يوم كان يحاول يتقرب مني في البداية كنت اصده >> متعقدة
سالني ليش قلتله جي جي الموضوع قال عادي حتى انا كان لي علاقة في الماضي ونسيتها والواحد المفروض يفكر في مستقبله مش ماضيه
وبجي .. استوينا نعرف ماضي بعض بس بدون تفاصيل يعني بس بشكل عاااام .. ومن عرف لين اليوم ما رد فتح الموضوع معايه مرة ثانية ولا انا مع ان فيني فضول ابا اعرف بس اقول ماله داعي .. دام ان الموضوع منتهي خله منتهي ولو انا فتحته هو بعد بيفتحه ويمكن تستوي مشاكل بعدين ولا يشك فيني والا اي شي

الحمدلله علاقتنا مبنية على الصراحة .. بس هذا مب معناته ان اي شي يستوي اخبره .. في اشياء ما تنقال

بس انا مب مع المصارحة اللي من هالنوع .. لان التفكير يتغير من انسان للثاني .. واذا الحين تقبل هالشي فاعرفي انه لو صار عليج اي تغيير من اي نوع .. على طول بيروح باله بعيد واكيد انتي بعد نفس الشي

بس الحمدلله كان حظي حلو مع اني ما كنت ناويه هالشي بس يه بالصدفة .. ورب صدفة خير من الف ميعاد