السلام عليكم و رحمة الله و بركاته
كيف حالكن خواتي؟؟ عسى كل شي تمام و الامور طيبه..
بنوتات انا عندي مشكله و اريد منكم الحل و النصيحه؟؟
انا مالجه من 6 شهور تقريبا و كل شي ماشي طبيعي و لله الحمد.. البارحه كنت سايره ويا ريلي بيت ابوه و نحن رادين هو دش البنك يسحب فلوس.. انا كنت في السياره جان اشوف قرآن طايح في الفتحات اللي يحطون فيهم الكاسات وفوقه علبه نظاره و اغراض يعني..
جان اشله و فتحت السده وحطيته داخل ..بس شفت علبه صغيره مكتوب عليها 3 condoms and 1 extra free (واقي )
و العلبه مفتوحه و مستخدم منها واحد ..
اول شي باعتبار اني انا وايد متفاهمه ويا ريلي و هو ابد ابد ما جذب عليه و انا من ناحيتي عاطتنه الثقه.. ما حسيت بشي بس عقب ثواني قلت هذا ريال و اكيد بييه يوم و بيمل من كثر ما يستحمل.. بس تميت افكر جي جان اصيح ..
يوم يا هو حاولت اهدي عمري و امسح دموعي بس هو لاحظ عليه هالشي .. قالي شو فيج .. قلتله ماشي .. قال امبلا فيج قلت له ماشي.. عقب سكت و رد شاف عيوني مدمعه وقف السياره وقال الحين تقولين شو بلاج.. انا صخيت شويه استجمعت قواي و عقب قلتله كان شي قرآن محطاي بين الاغراض انا حطيته في السده.. قالي ليش تحطينه قلت له حرام جي محطوط و فوقه اغراض..
قال انزين و الحين شو فيج قلت له ماشي قال امبلا فيج .. فتحت السده و راويته العلبه قلت له هذا مال منو .. تم ساكت فتره و عقب قال مال ربيعي
طبعا انا حاولت اصدقه بس ما قدرت.. قالي كنت مار على ربيعي و كان عنده وايد اغراض و من ضمنهم هذا و جان يحطه هني..
ما تكلمت بس تميت ساكته .. هو قال لي انا ادريبج مب مصدقتني وانا ما اغصبج اتصدقين .. لو انا كنت في مكانج اكيد جي بفكر و بزياده بعد..
بس انا عمري ما جذبت عليج مب الحينه اللي بجذب.
تم ساكت و انا تميت ساكته حسيت ان الكلام اللي عنده خلص و مب عارف كيف يبين انه صادق..
انا حسيت اني خلاص صدعت و راسي بدا يعورني اذا ما تكلمت بموت.. قلت له ربيعك معرس قالي هيه قلت له عيل ليش ماخذ علبه هالكبر المعرسين ياخذون اكبر .. قال شودراني ما سالته
و انا ارمسه احس انه يجذب لانه موول ما رفع راسه و كلمني و يوم كنت اساله كان منزل عيونه
قلت له ليش ما تحط عيونك بعيوني و تكلمني علشان على الاقل اصدقك قالي انا ادري اني غلطان يوم خليته يحط العلبه اهني
بس انا فعلا واثقه منه .. لانه كم مره قال لي انه شايف بنات في ديسكوات يوم كان يسافر ويا ربعه و ربعه كل شي كانوا يسوون جدامه بس هو كان يعرف الله و ما كان يقرب صوب الحرام
يعني هو دووم كان يصارحني باللي يسويه و ما يرفع من قدره علشان يكسبني بالعكس كان يبين ايجابياته و سلبياته
قال لي انا عود مب ياهل توني شايف الدنيا و البنات.. انا ما سويت هالشي يوم كنت عزوبي بسويه الحين يوم انا معرس و عندي حرمه..
لو ابا اسوي شي جان سويته برع البلاد بعيد عنج بدون محد يشوفني و بدون محد يدري عني.
انا قلت له: الشي يوم يوصل حده خلاص .. اكيد كنت تبا تفرغ و ما قدرت تستحمل قال: هالشي حرام وانا ما ارضى على عمري اني اسوي الحرام.. بستحمل كم شهر لين نعرس و خلاص برتاح بالحلال.
يوم ايلس افكر اقول انه صادق و ساعات اقول انه يجذب عليه .. انا احبه بس مستحيل اظلم عيالي اللي بييبهم لان ابوهم ريال دمه وصخ بالحرام
اسمحولي كتبت وايد ورمست وياد بس ياريت تساعدوني على الاقل عشان ارتاح نفسيا..
السموحه
اختكم في الله
فدك
السلام عليكم و رحمة الله و بركاته
كيف حالكن خواتي؟؟ عسى كل شي تمام و الامور طيبه..
بنوتات انا عندي مشكله و اريد منكم الحل و النصيحه؟؟
انا مالجه من 6 شهور تقريبا و كل شي ماشي طبيعي و لله الحمد.. البارحه كنت سايره ويا ريلي بيت ابوه و نحن رادين هو دش البنك يسحب فلوس.. انا كنت في السياره جان اشوف قرآن طايح في الفتحات اللي يحطون فيهم الكاسات وفوقه علبه نظاره و اغراض يعني..
جان اشله و فتحت السده وحطيته داخل ..بس شفت علبه صغيره مكتوب عليها 3 condoms and 1 extra free (واقي )
و العلبه مفتوحه و مستخدم منها واحد ..
اول شي باعتبار اني انا وايد متفاهمه ويا ريلي و هو ابد ابد ما جذب عليه و انا من ناحيتي عاطتنه الثقه.. ما حسيت بشي بس عقب ثواني قلت هذا ريال و اكيد بييه يوم و بيمل من كثر ما يستحمل.. بس تميت افكر جي جان اصيح ..
يوم يا هو حاولت اهدي عمري و امسح دموعي بس هو لاحظ عليه هالشي .. قالي شو فيج .. قلتله ماشي .. قال امبلا فيج قلت له ماشي.. عقب سكت و رد شاف عيوني مدمعه وقف السياره وقال الحين تقولين شو بلاج.. انا صخيت شويه استجمعت قواي و عقب قلتله كان شي قرآن محطاي بين الاغراض انا حطيته في السده.. قالي ليش تحطينه قلت له حرام جي محطوط و فوقه اغراض..
قال انزين و الحين شو فيج قلت له ماشي قال امبلا فيج .. فتحت السده و راويته العلبه قلت له هذا مال منو .. تم ساكت فتره و عقب قال مال ربيعي
طبعا انا حاولت اصدقه بس ما قدرت.. قالي كنت مار على ربيعي و كان عنده وايد اغراض و من ضمنهم هذا و جان يحطه هني..
ما تكلمت بس تميت ساكته .. هو قال لي انا ادريبج مب مصدقتني وانا ما اغصبج اتصدقين .. لو انا كنت في مكانج اكيد جي بفكر و بزياده بعد..
بس انا عمري ما جذبت عليج مب الحينه اللي بجذب.
تم ساكت و انا تميت ساكته حسيت ان الكلام اللي عنده خلص و مب عارف كيف يبين انه صادق..
انا حسيت اني خلاص صدعت و راسي بدا يعورني اذا ما تكلمت بموت.. قلت له ربيعك معرس قالي هيه قلت له عيل ليش ماخذ علبه هالكبر المعرسين ياخذون اكبر .. قال شودراني ما سالته
و انا ارمسه احس انه يجذب لانه موول ما رفع راسه و كلمني و يوم كنت اساله كان منزل عيونه
قلت له ليش ما تحط عيونك بعيوني و تكلمني علشان على الاقل اصدقك قالي انا ادري اني غلطان يوم خليته يحط العلبه اهني
بس انا فعلا واثقه منه .. لانه كم مره قال لي انه شايف بنات في ديسكوات يوم كان يسافر ويا ربعه و ربعه كل شي كانوا يسوون جدامه بس هو كان يعرف الله و ما كان يقرب صوب الحرام
يعني هو دووم كان يصارحني باللي يسويه و ما يرفع من قدره علشان يكسبني بالعكس كان يبين ايجابياته و سلبياته
قال لي انا عود مب ياهل توني شايف الدنيا و البنات.. انا ما سويت هالشي يوم كنت عزوبي بسويه الحين يوم انا معرس و عندي حرمه..
لو ابا اسوي شي جان سويته برع البلاد بعيد عنج بدون محد يشوفني و بدون محد يدري عني.
انا قلت له: الشي يوم يوصل حده خلاص .. اكيد كنت تبا تفرغ و ما قدرت تستحمل قال: هالشي حرام وانا ما ارضى على عمري اني اسوي الحرام.. بستحمل كم شهر لين نعرس و خلاص برتاح بالحلال.
يوم ايلس افكر اقول انه صادق و ساعات اقول انه يجذب عليه .. انا احبه بس مستحيل اظلم عيالي اللي بييبهم لان ابوهم ريال دمه وصخ بالحرام
اسمحولي كتبت وايد ورمست وياد بس ياريت تساعدوني على الاقل عشان ارتاح نفسيا..
السموحه
اختكم في الله
فدك
