امتحان التحدي في التقنية !!!!

حاليا وايد امور تغيرة بالنسبه لنظام الكليه .. و بالنسبه للقبول كل فرع له متطلبات مختلفه عن باقي الفروع

لان حاليا مسوين نظام الـ levels ماشي فاونديشن مثل قبل..

اذا كنتي دبلوم و تبين تكملين باتشلر المطلوب منج تسيرين الكليه و تعبين فروم اعادة الالتحاق..

اول شي بيطلبونه منج تمتحنين ايلس اكاديميك و لازم اتيبين باند 5 و عقب بس يمتحنونج امتحان رياضيات و عربي

يعني ما يحتاي يسوون لج امتحان تحدي بمادة الانجليزي..

و بعض الفروع تقدم دورات و في منهم بس يعطونج اوراق و نماذج تساعدج تذاكرين منهم و في بعض الكليات

ما عندهم مساعدات انتي لازم تعتمدين على نفسج و تذاكرين بروحج يعني ما يوفرون لج لا كتب ولا اوراق ولا دورات..

و اذا عديتي كل الامتحانات على طول يحطونج year 1

فـ الافضل تتصلين في الكليه الي ناويه تلتحقين فيها و تسإلين شو المطلوب منج بالضبط و هل في دورات او لا

لان كل كليه ولها نظامها الخاص فيها.

بالتوفيق

الغالية اظني اذا نجحتي في الجالنج الي هو التحدي

بس يشيلون عنج المادة الي عديتيها ^^

هذا الي اعرفه و ان شاء الله يفيدونج الخوات اكثر