تخطى إلى المحتوى
الرئيسية » امتحان الايلس في جامعة ابوظبي ؟؟

امتحان الايلس في جامعة ابوظبي ؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته

لو سمحتوا بغيت استفسر عن امتحان الايلس في جامعة ابوظبي (( فرع ابوظبي ))

اذا اي حد عنده معلومة يفيدنا ..

وارفعو الموضوع جزاكم الله خير ….

الوسوم:

6 أفكار بشأن “امتحان الايلس في جامعة ابوظبي ؟؟”

  1. chicha
    الرد

    يامرحبا يامرحبا اخيرن حد بيمتحن ويــايه

    اليوم سرت ابا اسجل في جامعة بوظبي فرع العين وقلتلها ان امتحاني الايلس بيكون تاريخ 31 يناير في البرتش كونسـيل قالتلي ليش ماتسجلين في الامتحان اللي بيكون في جامعة بوظبي فرع ( بوظبي )

    اتصلت على البرتش كونسـيل وسالتهم عن الامتحان قالولي ان البرتش كونسـيل يزود جامعة بوظبي بالامتحان يعني نفـس الشـي

    وقالولي شي امتحان على تاريخ 15 ينـاير بس اظن العدد كامـل ماردولي خبر بعدهم

    ^^ وان عرفتي شي خبريــــني

    السموحه ع القصووور

  2. madiha
    الرد

    خواتـــي نصيــحه لوجــه الله لاتمتحنــون في جامعة بوظي هو صــح ان البرتش كانسل اتزود

    الجامعــه بالامتحاان لاكن التصحيــح مب نفس الشي يعني الاساتذه الي يصححون الامتحان في الجامعــه

    غيــر عن الي يصححون الامتحان في البرتـــش كانســل والجامعــه وايد تظلم البناات في

    التصحيــح .. مثال .. عندي ربيــعه تدرس ويايه لفلات في الجامعه ( جامعة بوظبي ) امتحنت الآيلس

    في الجامعــه ويابت 4 طبعا عندنا في الجامعه عشان اتعدين للفلاات اتيبين 5 المهم من

    يابت 4 ع طوول احجزت في البرتش كانســل .. وامتحنت الشهر الي بعده اتخيلي كم يابت ؟!!

    ماشاءالله عليهااا يابــت 5.5 ووحده ثانيــه بلبل في الانجليــزي ماشاءالله عليهاا من ترمس

    انجليزي ماتسكت .. امتحنت في الجامعــه ويابت 5 حرام ماعتقد ان هااي درجتهااا .. لان صدق

    صدق شااطره وترمس شرات الاجانب لو امتحنت في البرتش كانسل جان ياابت 6 او 7 ..

    وهااي نصيــحه لوجــه الله

  3. رحمة
    الرد

    تدرين انا فكرت نفس تفكيرج وربي من شويه يالس افكـر بمتحن في البرتش كونسـيل احسن لان اكيد جامعة بوظبي بينقصون ف الدرجات عشان يخلونا ندرس لفـلات

    الامتحان ف برتش كونسـيل عتاريخ 31 _ 1

  5. كلثوم
    الرد

    مرحبااااا خواتي اتمنى لكم التوفيق

    أنا بمتحنه في كلية التقنية رفيجاتي كلهم امتحنوه

    اهناك ومن اول مره نجحو والحمدلله

    والسموحه

  6. منيرة
    الرد

    ..فديتكن .. انا مب شاطره موووليه بالانجليزي .. والحينه .. رحت يبت شهادتي … يايبه 3.5 … بصراحه استاهلها ^^ … بس بيني وبينكم … ربيعاتي واااااااااااااااااااايد شاطرات .. بس للحين ما آخذن مواد … شو السبب .. الايلتس والتوفل … شئ عجيب غريب … اذا هاايل الشاطرات جي .. انا شو بسوي بحالي … هموم الدنيا كلها ع راسي .. من التفكير .. اخاف شعري يطيح … صدقتي نيكولا .. كل كلمه قلتيها صــــــــــح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.