اماكن تفتح النفس حق الحواطه ^___^

روحي البر …………

ولا أقولج تبين صدج تحسين براااااااااااااحة ….. روحي صوب دبا ومسافي والخور وكلياء ….روحي شوفي الدنيا اهنااك اخبااااااااااااااااال وفي شاليهات لوتبين في دبا …

بس لايفووتج دام الدنيا تمطر هالايام والله انا البارح راادة من هنااك شو الجو شو البرااد ممممممممم مب اهنيه في عيماان ": بدون تعليق" …

الدنيا شو صايرة هناك والله حلووو .. تشمين ريحت المطر .. تشوفين الجبال …والله انصح الكل يرووح ويشوف الدنيا …
انا كنت رايحة يوم الاربعا صوب الذيد والله ماجذب عليكم ما قدرنا انشوف الطريج من المطر واااااااااااااااااااو …والدنيا مغيمة …

ولو ماتبين بعد روحي حتى الدنيا اهناك بعد عندهم مطرة …او العين روحين فوق على حبل حفيت او المبزرة … اتمنى اني فدتج الغلا …

الغاليه دبي ما فيها غير السناتر الحلوه و السينما و هذي رمسة الكل يعني اذا مليتي مثل ما قالت الاخت عليج بالبر و صوب الفجيره و خور فكان ……..و دبي جوها مب حلو لكن سناترها تينن

حالي من حالج
بصراحة انا من اسبوعين في الويك اند غيرت جو في خورفكان صح الجو حر بس والله استانسنا واااااايد
يلسنا في فندق الاوشيانيك بصراحة هو مب ذاك الزود لكن يطل ع البحر

خذت وياي عيال اختي
اتسبحو اليهال ويا ريلي في البحر وحوض الفندق وبعدها سرنا انحوط في الفجيرة واتعشينا في مطعم المشوار
وثاني يوم شوينا ع الكورنيش
والله يرزقج الذرية الصالحة