الي جربت الولادة فالمستشفى الامريكي او المدينة في دبي تدخل

التعديل الأخير تم بواسطة موزه السويدي ; 2011-12-27 الساعة 00:17 سبب آخر: يمنع التشهير

ربيعتي ربت في المستشفى الامريكي وتمدح عنايتهم وكانت تراجع عند الدكتورة الهندية واسمها لاكشمي. وما عندي خلفية عن مستشفى المدينة.

اما عن تجربتي فانا ربيت في المستشفى الكندي – بوهيل والصراحة عنايتهم لا يعلى عليها ودكتورتي ممتازة وتعرف حالتي من دون ما ترجع للملف ووايد كانت تهتم فيني وتحاسب علي. واسمها الدكتورة زينب. وممرضات جناح الولادة وايد حبوبات وبشوشات ويقعدون يسولفون وياج ويهدون اعصابج ويشجعونج.

وعليج بالاستخارة وتوكلي على الله*

الحمد لله من حملت مراجعاتي كلها في المستشفى الامريكي و ان شاء الله ولادتي بتكون هناك
صدق تعاملهم حلو و يخليج مرتاحه و ريلاكس

و كله في صوب و الدكتوره في صوب والله لو اقول عنها انها روعه من اليوم لين باجر مابوفيها حقها
كانت عندي مخاوف بداية الحمل و احاتي ويع الولاده و الحاله كلها
لكنها ما شاء الله عليها تعرف كيف تهدي الوحده

ربيعتي امس مربيه عندهم تقول انهم كلكهم وقت الجـــد طيوبين و يسولفون وياج
مايخلون الوحده تخاف او تتنرفز ابدا
تقولي حسسوها ان الولاده شي سهل مايباله كل الدراما الي الحريم يتكلمون عنها
و صدق ما شاء الله ولدت بسهاله الحمد لله
كم يسوا يوم السستر ولا الدكتوره تتبسم في ويهج مع اني ماعرف لا النرسات في قسم التوليد ولا دكتورتها !!

وايـــــــد احبهـــــــم

اختي شيطونه عند اي دكتورة اتراجعين