الوزن المثالي

السلام عليكم ورحمة الله و بركاته
عساكم بخير و عافية
حبيت اليوم اكتب هالكلام بعد ما شفت الرجيم القاسي الي ينزلنه البنات فالمنتدى الي كله ماي بس و الي لبن و تمر و الي كله سوائل بس بدون سكر ولا ملح و غيره وغيره وااااايد ما ينعدن
طبعا كله مب صحي و لا من اختصاصيين تغذية اكثره نسخ و لصق من مدونة ثانية
والله شي طيب انه الوحده تنزل وزنها مب عشان مظهرها واناقتها بس عشان الشي الاهم و المهم وهو الصحة لتجنب امراض الضغط و السكر والقلب الله يحفظنا اجمعين ان شاء الله
وانا افضل اي وحده ناوية تنزل وزنها تسير عند اي اخصائي او اخصائية تغذية عشان يعطونها نظام غذائي يتناسب مع جسمها و احتياجاته لانه في ناس يكون عندهم فقر دم وناس تعاني من هشاشة العظام وغيرها فاتباع حمية غذائية عشوائية بدون اللجوء الى دكتور تغذية ممكن يسبب خطورة على الشخص فيتغير حالة من سيء الى اسوء
ومب اي شي ناسب ربيعتي بيناسبني
الله يعطيكم الصحة و العافية وان شاء الله كلنا نوصل للوزن المثالي