السلام عليكم ورحمة الله وبركاته
اليوم حبيت اكتب لكم قصة بنتي الصغيرة مع الوحمة الدموية
بنتي اول ماولدتها الحمدلله ماكان فيها اي شيء ومن خلصت الأربعين بعده بشهر تقريبا بدأ يطلع لها في الجفن السفلي لعيونها نفس عروق بنفسجية واستوت هاي المنطقة لونها اخضر مزرق كأنها رضة وشوي شوي كل ماتكبر يكبر الجفن واستوى نفس ورم واضح جدا ضاغط على عيونها
طبعا ماخلينا مكان مارحنا له اول فترة نص الدكاترة ماكانوا يعرفون شو ها الشيء والي قالولنا ها انسداد في القنوات الدمعية وها الشي غلط طبعا لين مارحنا عند دكتور في مستشفى المغربي وقال لنا ان هذا وحمة دموية وشرحلنا الوضع وفهمنا وعرفنا السالفة وهي نوع من انواع الوحمات الي تطلع في اليهال بس نوعها ماتبين من الولادة بعدين تطلع وتكبر تكبر وبعدين يثبت حجمها وبعدها يبدأ يقل ويقل لين ما يروح بإذن الله وعن العلاج ممم في علاج جديد مكتشفينه برع وهو عبارة عن دوا يخص تنظيم دقات القلب ويساعد في علاج وذهاب هاي الوحمة بشكل سريع بس لازم الطفل يكون تحت المراقبة 24 ساعه لان الدوا يأثر في دقات القلب ولازم يكون مراقب
نحن كملنا مراجعاتنا في مستشفى خليفة ابوظبي مع دكتور تخصص عيون اطفال وخبرناه نحن عن العلاج بس ما وافق على بدأ العلاج وقال انه مايحتاج وبيروح ابروحه
ونحن قلنا نسافر برع يمكن يكون لهم رأي ثاني ورحنا بانكوك والأطباء الي هناك قالوا لنا نفس الكلام بس قالوا انهم مستعدين ان يعطونها الدوا وبعدين صلينا استخارة وماصار نصيب ان نعطيها العلاج فكرنا وقررنا ان مانعطيها وان يروح بروحه احسن
حبيت اكتب الوضوع للاستفادة لاني يوم كنت محتاجة اعرف معلومات عن ها الشيء ماحصلت معلومات ف قلت اكتب للاستفادة
واخر شيء طالبته منكم دعواتكم حق بنتي بالشفاء العاجل الحين عمرها سنتين والحمدلله بدا واضح انه الورم قام يخف والحمد لله رب العالمين
السلام عليكم ورحمة الله وبركاته
اليوم حبيت اكتب لكم قصة بنتي الصغيرة مع الوحمة الدموية
بنتي اول ماولدتها الحمدلله ماكان فيها اي شيء ومن خلصت الأربعين بعده بشهر تقريبا بدأ يطلع لها في الجفن السفلي لعيونها نفس عروق بنفسجية واستوت هاي المنطقة لونها اخضر مزرق كأنها رضة وشوي شوي كل ماتكبر يكبر الجفن واستوى نفس ورم واضح جدا ضاغط على عيونها
طبعا ماخلينا مكان مارحنا له اول فترة نص الدكاترة ماكانوا يعرفون شو ها الشيء والي قالولنا ها انسداد في القنوات الدمعية وها الشي غلط طبعا لين مارحنا عند دكتور في مستشفى المغربي وقال لنا ان هذا وحمة دموية وشرحلنا الوضع وفهمنا وعرفنا السالفة وهي نوع من انواع الوحمات الي تطلع في اليهال بس نوعها ماتبين من الولادة بعدين تطلع وتكبر تكبر وبعدين يثبت حجمها وبعدها يبدأ يقل ويقل لين ما يروح بإذن الله وعن العلاج ممم في علاج جديد مكتشفينه برع وهو عبارة عن دوا يخص تنظيم دقات القلب ويساعد في علاج وذهاب هاي الوحمة بشكل سريع بس لازم الطفل يكون تحت المراقبة 24 ساعه لان الدوا يأثر في دقات القلب ولازم يكون مراقب
نحن كملنا مراجعاتنا في مستشفى خليفة ابوظبي مع دكتور تخصص عيون اطفال وخبرناه نحن عن العلاج بس ما وافق على بدأ العلاج وقال انه مايحتاج وبيروح ابروحه
ونحن قلنا نسافر برع يمكن يكون لهم رأي ثاني ورحنا بانكوك والأطباء الي هناك قالوا لنا نفس الكلام بس قالوا انهم مستعدين ان يعطونها الدوا وبعدين صلينا استخارة وماصار نصيب ان نعطيها العلاج فكرنا وقررنا ان مانعطيها وان يروح بروحه احسن
حبيت اكتب الوضوع للاستفادة لاني يوم كنت محتاجة اعرف معلومات عن ها الشيء ماحصلت معلومات ف قلت اكتب للاستفادة
واخر شيء طالبته منكم دعواتكم حق بنتي بالشفاء العاجل الحين عمرها سنتين والحمدلله بدا واضح انه الورم قام يخف والحمد لله رب العالمين
