الموظفات اللي يضربن خطوط يدخلن <<<

الدرب متعب للحرمه
يوميا وعلى زحمة الصبح وردة الظهر فالتعب
وياينج رمضان عقب فتره
وتضربين خط ساعتين ساير راد
شي متتتعب جدا بصراحة !!
ما انصحج حبوبه انج اتمين على ها الشغل
بروحه خسر البترول وتعبج انتي روحج ياخذ ها الزياده الي فالراتب
انتقلي لأمارة ريلج ودوريلج هناك شغل احسنلج واريحلج
تردين لبيج ولريلج من وقت وتتفرغين اكثر !
اذا ما كنتي مقتنعه جربي بروحج
من اول شهر بتعافين الدوام وبتنتقلين صدقيني
انا مجربه سالفة الدرب هاي والعذاب ساعه وساعه ونص فالدرب
كل يوم بس عشان الدراسه مب عشان شغل
لكن خلاص توبة ومستحيل اكرر ها العذاب فـ وظيفه او شغل
بدور شي قريب مني . . مع انه ادري ان بعيد بحصل راتب اعلى بوايد وفوق الدبل بعد
بس راحتي وصحتي اهم عندي فالدنيا عن الفلوس والراتب

ربي يوفقج ويسهلج الي يرضيج
موفقه

ربي يوفقج اختي

لا حول ولا قوة إلا بالله

مووووووووووووول ما أشجعج بتكرهين عيشتج ..

أنا كنت أدوام و دوامي مب وايد بعيد لكن على الزحمه كنت آخذها مال ساعه أو ساعه ونص و كنت أوصل البيت وأعصابي فوووووووووووول و كارهه عمري و مالي بارض حق ولدي فديته ولا حق ريلي … أحس عمري مضغوطه من الشغل والزحمه و شغل البيت و الطبخ و التنظيف و و ….
والله اني كنت أوصل عقب ريلي أكثر شي بسبه الزحمه و هالشي فعلا يوتر أعصابي اكثر ومب حلوه انه ريلي يوصل ويتم يتريا الغدا او اييب غدا من برع و و و ..

لو تحسبينها بتحسين انه فعلا ما يرزى فرق الراتب لانه بيروح ع البترول و مني ومناك ……..