الموظفات اللي عندهن عيااال

الله يكون في عونج

انا الحمدالله موظفه وعندي بنوته واحين حامل من جريب
الصراحه اول ما رديت لدوام كان وايد متعب لانه بنتي بعدها كانت تسهر
فاسير الدوام وانا مواصله تميت فتره جيه وعقب الحمدالله انتظم رقادها
حاليا اودي بنتي للحضانه وابوها اييبها الظهر من الحضانه

عن نفسي اخلص شغلي في وقت الشغل وبس ويوم ارد البيت اشوف بنتي متوله علي واقعد وياها ومرات
من التعب صدق ما اقدر فاخذ قيلوله ساعه في هالوقت شغالتي اتلعبها واوصيها ما اترقدها حتى ترقد لي فليل

وانتي لا تفكرين وايد اتوكلي على الله امورج بتتيسر ان شاء الله وبتتعودين ع الوضع اليديد

ماشاء الله في دوامي موظفات عندهن 5 عيال والامور طيبه لانهم يسيرون المدرسه او الروضه فماتحاتيهم وايد

أنا عيالي عند عمتي بس الشغاله تساعدها في لبسهم وفي أكلهم يعني بمراقبة
وشغالتي إندونيسية واايد تحبهم ..
أما ريلي دوامه من 2 لين 7 وانا دوامي الصبح يعني من ارد ايلس عند عيالي وعقب اجهز العشاء ونيلس انا وريلي وعيالي
بس الي مب حلو ما ارقد الظهر وبالليل يعذبوني اشوي ف رقادهم وانا اكون مدوخة ..
بس اتريا ولدي يدخل KG1 وبرتاح في رقاد الليل اتوقع
وبنتي بعدها تريد ترضع ف الليل وحاليا ما افكر احمل بالثالث لأ يوم يدخلون المدرسة ..
لا تحاتين بتترتب الأمور ..