الموبايل التربوي .أنعم وأكرم

اختي شجون .. انا معلمة من الوسط التربوي مواطنة وبنت هذي البلد

الحمد الله لي من سنين الخبرة 9 سنوات عملت وتنقلت في هذه السنوات بين مدارس مختلفة

لكن هذه السنة اغربها واعجبها فعلا اول مرة احس اني بحرب مع الاسرة صارت العلاقة بينا تقاذف تهم من المقصر !!

لما يلقى باللوم على المعلم ؟ فقط ارفض الضرب جملة وتفصيلا قلبي اعتصره الالم من ضرب المعلم البشع الذي انتشر في الامارات عرضها وطولها ..

لكن يجب علينا البحث بالاسباب اتمنى فتح مجال لنقاش مع المعلمين يا اولياء الامور ولا تذهب للمدرسة مشعون بغضب
كانك تاتي لانتقام لنقص درجة ابنك او بنتك

لابد ان يكون هناك اسلوب وسؤال ومبرر والنهاية نحن نسعى لهدف الطالب وتحصيلة العلمي هذا هو الهدف هذا الي انا احطة نصب عيني لانه هذا بكرة بيبني دولتي ويحمل رايتها ..

انا اتكلم من واقع عشته ( قصتي مع وليه مر تعدت علي بالسب والشتم في مدرستي بسبب خلاف في الراي لكن الله سبحانه الهمني الصبر وكان ردي فقط .. انا تربوية اربي اجيال لا ارد على استفزازك العصبي لي شكرا انتهت المقابلة . نقطة ع السطر )

هذا كلمة جزاك الله خير على عملي وجهدي وانا معلمة تاسيسي تخيلي صعوبة هالمرحلة

فرحمة بالمعلم ايها المجتمع ورحمة بناء يا ولي وولية الامر

اسفة خرجت عن الموضوع بس هذا صووت من واقع التربية فعلا نعيشة فيه المعلم الفاشل الي لايج الا الضرب

وفية المعلم الي يرى رسالته اعظم من درس ودرجة توضع في نهاية الفصل في الشهادة

السمووووووووحة اللاطالة

ربي ما يكشف عبده من اول مره.. تلقونه مكسر اليهال مساكين وربج فضحه… هذا واكيد اشكاله وايد في البلاد… اذا على ايامنا كانوا يضربونا عشان ماجلدنا كتبنا خسهن الله… والله قهر… كيف كانن يتجرأن الخايسات ونحن حليلنا من الخوف مانخبر هلنا حتى.. اااااااااااااااه بموت لو يضربون عيالي وانا مادري مادري شو بسويبهم … والله لاقطعهم بضروسي… ربي يحفظهم…

فعلا شي يعور القلب و تبكي له العين
عيالي الله يحفظهم بعدهم صغار .. لكن كل الي اقدر اقوله ان لازم نعلم اليهال من يوم هم صغار وايد ان ما يخلي حد يضربه ، و ان صار لازم يشتكي -و ما يقابل الضرب بالضرب- .. بعض الاهالي يستهينون و عادي عندهم طرف غيرهم يمد يده على الياهل بدافع التربيه او اذا غلط خله يأدبونه .. في بداية حياة الطفل اول شخص يمد يده على الطفل هو الشغاله -و ما اعتقد بتنكرون ان وايد شغالات يسون ها الشي- .. اذا الطفل اتعلم ان الشغاله ضربته و ما صار رد فعل من الاهل ، في المستقبل اذا ضربه المدرس في المدرسه بعد ما بيقول شي
يعني نعلمهم ان ما يرضون حد يضربهم او يمد يده عليهم -خصوصا الويه لان في كرامة الانسان- و نحسسهم بعظم ها الشي
في كلامي ها كله اقصد ضرب الكبير للياهل و مش ضرايب اليهال بينهم و بين بعض
اختي الغاليه شجون2008 اذا في اصدارات بخصوص ها الموضوع ، ياريت تحطيلنا مرجعها بالضبط عشان نروح ناخذها
و نحنا معاكم
و منكم نستفيد