تخطى إلى المحتوى
الرئيسية » المنتديات المختطله

المنتديات المختطله

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرحبا خواتي

اختي فديتها كانت ادش مدونة مختلطه بس تقولي احس اني اسوي شي غلط

انا مره نصحتها وكم مره انغزها بكلام عسب تحس بس كانت تقولي ادش سوالف عادي

قلت لها بس مو زين تراكمين عليج الذنوب عالفاضي

الحين تقولي احس امي مب مرتاحه

بس للحين ما ودرته

اخواتي قولولي من الغلط انا ولا هي ؟؟؟

هي تقولي انتي متشدده انا لازم اتشدد عند الحق ما بشوف منكر قدامي واسكت

شو اسوي خواتي

6 أفكار بشأن “المنتديات المختطله”

  1. الغاليه انصحيهاا قبل ما يطيح الفاس بالراس

    ياا ما سمعناا قصص كانت بدايتهاا بريئه وسواالف واخرتهاااا مصيبه0

    النصيحه دووم والتذكير بالاخرة 00هي كأنهاا ترمس بالتيلفون مااشي فرق0

    الله يهديهاا ويبعد عنهاا كل شر وعنج ياارب



  2. والله وايد انصح وانغز بالكلام ووايد اتكلم عن الاخره احسها تخاف

    بس عقب ثواني اجوفها داشه

    تقولي انا محترمه بس ارد عادي

    قلت لها حتى لو عادي تراج قاعده ترمسين بمكان غلط ليش اتيمعين ذنوب



  3. اللي سويتيه هو الصح ودامج نصحتيها فهذا يدل على انج تغارين وتخافين عليها انا اشوف انه حرااااااام بالعكس مافيها تشدد في قاعده شرعيه اتقول الكتاب كالخطاب يعني يوم تكتبين في المواقع مثلا المختلطه جنج اترمسينهم!!! وحتى لو محد يعرفها او ما شافها لكن الله يشوفها وانا اشوف ان هالمعصيه سهل الواحد ايخليها في مواقع وايد ممكن تستعيض بهن بدال المواقع المختلطه اللي ما منها فايده وما اييب المصايب الا هالاشياء الله يهديها ويستر عليها



  4. الله يستر عليها انا كنت اشارك بمنتديات مختلطه والحمدالله عمري ماتعرضت لمواقف او حركات من الاعضاء الشباب يعني كل وحده واسلوبها



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.