المطلقه في هالزمن

شوفي حبوبه مشكلة مجتمعنا مشكله عويصه يتحسبون المطلقه تمشي على حل شعرها

مايعرفون انه المطلقه انسانه ومرت بظروف وجبرتها تنفصل عن زوجها او هو يكون السبب في الطلاق
مجتمعنا متعاطف اكثر عن اللزوم لكن في الامور هاي تعالي عاد عندهم عقليه شويه كلوز
بالعكس انا دايما انظر للمطلقه انها انسانه مغلوب على امرها ولازم ماتكون ضعيفه لازم اتكون قويه علشان اتعرف اتواجه المجتمع

واكيد ياغاليتي ام بتيوز ولدها بتنظر للبنت اللي مامرت بتجربة الزواج او انه ارمله او مطلقه بدون عيال
لانه الامهات ينظرون من زاويه وحده اللي هي اتسده حرمه بعد نبلي ولدنا بعيل غيرنا (جد والله هذا كلامهم)

وانتوا يخواتي كونوا عقلانيات على هالزمن والبنات مكودات وعلى افا من يشيل في المراكز وغيره اكيد الرجل بينظر للحره وليست للمقيده( هذا الرجل اللي تفكيره باباي )
واكيد على مياعة بنات 14 والشعر على صوب والجسم يقول انا والحريه المطلقه وراها على طول وبياخذها وعينه مغمضه
لانه ريايل هالزمن مايبحثون عن الاستقرار لا …….بيحثون عن الجمال وغيره يا عزيزتي وغريات هالزمن غير شكل

تتحسبون رياييل هالزمن يبون الاجر والستر لبنات الناس لاوالله ….. ريايل هالزمن هبابهم يكلمون فلانه وعلانه
مايبون زواج يبون لعب وبس حق شوه يعور راسه بحرمه وعيال …. ماشي وازع ديني تفكير جنسي عملي بحت ومن الدرجه الاولى

والله يا اختيه تراه مو الدنيا جيه لالالالالالا عقول الناس استوت خربانه بالمظاهر والمغريات وبطرتهم الفلوس
ولا بلاها المطلقه اخيرله عن الجنسيات الثانيه بنت البلاد شحلاتها بتستر عليك وبترحمك يوم ماعندك مابتقولك سير اتسلف علشان تبني عماره حق اهلها في بلادها …
والطلقه مو غسالة ايد حد يا طويلة العمر …. لكن ناس وعقولهم المطلقه ام ومرت بتجارب يعيني مابتخيب الظن ان حد خذاها راعية بيت وواجب
لكن ريايل هالزمن شو الواحد يقول عنهم غير الله يهديهم

لكن نرد انقول الرزق بيد الله م بيد البني ادم

فديتج
هذا نصيب من الله مب عند الناس
والله بيعوظج بالي احسن منه ان شاء الله
والبركه في بنتج او ولدج
لاتكدرين مزاجج ولا تفكرين الي يبا وحده لو مطلقة وعندها عشرة بياخذها
اكثري من الدعاء والاستغفار بنيه الله يرزقج الزوج الصالح واقري سورة البقرة باستمرار
وربج كريم ان ان شاء الله

بالعكس وايد مطلقات رجعو تزوجو وربي رزقهم بالزوج الافضل….

وهذا نصيب ياقلبي…