المشيمه

الله يعينج اختي ريحي عمرج قد ما تقدرين حاولي ترفعين ريولج يومي ومسحي علااا بطنج لفوق او روحي عند مسيحه شاطره تعرف للحوامل وتمسحج الله يسهل عليج حبوبه…

فديتج الغاليه ذكرتيني بعمري…
انا كنت اراجع بالكورنيش وبمستشفى خاص في نفس الوقت الخاص قالي المشيمه نازله في الخامس بعدين قلت حق عمري مافي احسن من الكورنيش وتابعت عندهم وفي السابع قالو المشيمه ارتفعت وفرحت وايد ومره وانا ظاهره وي ريلي اتمشى في بوظبي مريت ع الخاص قلت بتأكد من انه المشيمه ارتفعت…
تخيلي المشيمه نزلت اكثر من قبل والكورنيش ما يدري وين الله حاطه…
سرت ثاني يوم مستشفى النور وحجزوني وسوو لي عمليه مستعجله اليوم اللي بعده ولا وطله بعد مافي ماي..
والعمليه استوت خطيره وكملت 7 ساعات في العمليه استوى لي نزيف حاد جدا وربيت في ثالث يوم من الشهر التاسع…

الله يعينج الغاليه الموضووع واااايد خطيرررر

حبيبتي لاتخافين انا مابغي ازيغج بس الحركه الزايده اتسبب نزول للمشيمه ولاسمح الله ممكن يصير انفصال وهالشي خطير لانه يقطع الاكسجين عن الياهل..
ارفعي ريلج وايد ولاتتحركين وباذن الله بترتفع بروحها..
ياربي يسهل عليج وتربين بالسلامه ويحفظلج البيبي..