المدرسات اللي يدرسن طلاب مدارس التأنيث

الله يوفقج اختي

انا روووحي ما اعرف

بس انا كنت متطوعة في مدرسة اولاد

انتي بس خلج واااثقة من نفسج و شدي عليهم من البدااااية ,,

صح ان هالشي ما يوافق التربويين ,, ما يرظوووه به

بس اقوووولج حاولي تسيطرين عليهم قد ما تقدرين عشان تقدرين تتحكمين فيهم و في سلوكياتهم

الله يعينج اختي

ذكرتيني بعمري…

لازم تفرضي احترامج من البدايه يعني دخلي بأول حصه وقوليلهم قوانينج بالصف…

يعني مثلا ممنوع على الطالب والمعلمه انهم ياكلون بالصف..

ممنوع التعدي على زميلك الضرب …

وكوني حازمه من البدايه بس بعد الاولاد تفر الرشوه رووسهم من البدايه…

يعني شيلي صندوق محطيه فيه من الالعاب والسيارات مال بو روبيه كهدايا للي يعجبج سلوكه واجاباته وبتحسي الصف شعله…

وترى من تجربتي الاولاد ممتعين وطيبين وااااااااايد ان كسبتيهم…

وربي يوفقج..

الغاليه واااااااااااااااااااااااااااايد ذمولي تدريس الاولاد
والسنه الي طافت كانت اول سنه ادرس … ودرست اولاد

بالعكس الاولاد حلوين …بس يبااالج حزم ونفس الوقت احترام لذاتهم….

وكل هذا يعتمد على اسلوبج وشخصيتج

لان وااااايد مدرسات ما يتحملون الاولاد … بالنسبه لي اشوفهم حلوين ووادودين ومزعجين وشياطين….تناقض

بس هاذي طبيعه الاولاد شطانه وحركه زااايده

واغرسي فيهم ذكر الله …

يعني قبل ما تبدين الدرس حاولي تخلينهم يبدون بزرع نخله في الجنه بجمله( سبحان الله وبحمده )

لان اولادنا بحاجه لاشياء الدينيه

وبالتوفيق