تخطى إلى المحتوى
الرئيسية » المدارس الزينة لل KG1 في ام القيوين؟؟؟؟؟

المدارس الزينة لل KG1 في ام القيوين؟؟؟؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرحبا يا امهات
حبايبي انا عندي سارونه و ان شالله ناوية ادخلها KG1 السنه الياية
فوين تنصحوني ادخلها بام القيوين؟؟؟
ابا يكون تعليمهم ممتاز و الاهتمام بعد

المدارس اللي في بالي
1- الشويفات
بس مشكلتها مافيه باصات و بعد مافي مقاصف و انا و ابوها نداوم في دبي و حرام دوامهم لين 3 الظهر
و عندهم استراحة العدا من 12-1 الظهر
فمنو بيودي لها اكل

2- المدرسة الانجليزية
بس مااعرف حد مودي عياله هناك

3- ريلي يقول دخليها روضة الكوثر
جريبة بالفريج و في باصات و بعد بنت عمها بتسير وياها

فمحتارة بليز فيدوني
للعلم انا ساكنة بالحمرا

الوسوم:

6 أفكار بشأن “المدارس الزينة لل KG1 في ام القيوين؟؟؟؟؟”

  1. madiha
    الرد

    هلا الغاليه الشويفات ممتازه لكن سالفة نودي الغداء متعبه شوي
    لكنها مناسبه لكم خصوصا انكم اداومون في دبي وبتيبونها لما ترجعون من الدوام

  2. hamida
    الرد

    المشاركة الأصلية كتبت بواسطة ريييوم
    هلا الغاليه الشويفات ممتازه لكن سالفة نودي الغداء متعبه شوي
    لكنها مناسبه لكم خصوصا انكم اداومون في دبي وبتيبونها لما ترجعون من الدوام

    انزين حبيبتي منو بيوديها و حرام احطي لها الغدا من الصبح؟
    تخيلي هاي لين حزتها مابتداني تاكل
    و احسها غالية على kg1 تخيلي ب 15000 بدون الكتب والملابس

    انتي وين حاطة عيالج؟؟؟

  4. mira
    الرد

    انا عيالي 2 في الشويفات هي صح غاليه لكن تأسيسهم زين صح تعب عليهم لين 3 لكني ما حصلت مدرسه أحسن
    في الأمريكيه في السلمه بس ما أعرف زينه وإلا حد يمدح وحد يذم

  6. kamili
    الرد

    مادري اجوف دام ان بنت عمها وياها وديها روضة الكوثر .. عالاقل تضمنين انها بتكون فبيت عمها لين ترجعين من الدوام ..
    الحين حتى الحكوميه تأسيسهم اوؤك والمدرسات اغلبهن يداد وشاطرات … بس بعد تابعيها من ترد من الروضهـ وحلي وياها واجباتها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.