اللي ولادها في المرحله الابتدائيه وحابه تفيد وتستفيد ادخلى هنا

السلام عليكم ورحمة الله وبركاته .

فى الأول حبيت أقولكم كل سنه وانتو طيبين ببدايه العام الدراسى

وربنا يجعله عام سعيد على كل الطلبه واولياء امورهم .

حبيت اقولكم انكوااا يمكن تكونوا شوفتونى فى مشاركاتكم ، وعرفتونى من خلالها .

وفى منكم يعرفنى عن قرب المهم انا بحبكم كلكم فى الله

وبحب المنتدى الرائع دة اللى تعرفت فيه على احلى صحبه واحلى اخوااات

ومن باب رد الجميل لمنتدانا الغالى على قلوبنا جميعا ،حبيت اقدم لكم خدمه وطبعا لوجه الله

مش محتاجه منكم غير الدعاء لولادى بالصلاح والتوفيق

الخدمه هيه ان اى اخت محتاجه حاجه فى منهج الابتدائى من اول ابتدائى الى صف خامس وطبعا كل

المواد تكتبها هنا وانا هااجب عليها باذن الله وهشرحها لها بالتفصيل الممل وطبعا دخولى للموضوع

هيكون يوميا الصبح عشان اشيك على الاسئله واجب عليها ولو اى اخت من المعلمات حابه تساعدنى

فى موضوعى يكون جزاها الله خير ممكن سبحان الله مقدرش ادخل يوم هيه ترد بدالى على البنات

وطبعا جزاها الله خير مقدما وبارك الله فيكم جميعا