اللي قدمت على دراسات عليا عن طريق الوزارة

هلا اختي
بخصوص التعليم العالي اذا كنتي تطرين الدراسات العليا برع البلاد انا قدمت لدراسة الماجستير في هندسة الكمبيوتر والحمدالله طلعتلي البعثه الى استراليا، سدني، جامعة ال UTS بس المشكله انه بنفس الوقت طلعتلي شغله بصراحه ما تتفوت رتبه ومعاش .. المشكله انه معاشاتهم واايد قليله والطالب المبتعث المفروض عليه انه خلاص يعتمد على نفسه في كل شي (سكن ولبس وفواتير كهربا واننترنت وماي ومواصلات)!! يعني بسير وبتلعوز بظطر اني اشتغل عندهم عاد مادري وين بيفروني في مطعم او في بار "استغفر الله" او في سوبرماركت.. !!؟؟ عشان جذي فكرت وقلت ماشي شرات بلادي بقبضلي هالشغله وبقدم في اي جامعه تطرح الماجستير عندنا ابرك بوااايد من الغربه والبهدله

انا اختي قلتلج كل هالكلام وطولت عليج عسب تعرفين انه الواحد يكون متحمس فالبدايه والكل يقول الله بسافر وبجرب حياه يديده وباخذ شهاده ماشي احسن منها وبغير الروتين الدايم وماعرف شو!! بس بالاخير لما ينقبل وتستوي السالفه جد الاكثريه يغيرون رايهم ماشي شرات بلادننا يالسين فيها معززين مكرمين.

بالنسبه للشروط لازم تكونين يايبه في الشهادة الجامعيه من فوق ال 3.0 من 4.0 ,,, ولازم تخصصج يكون من التخصصات المعتمده عندهم فالوزاره سيريلهم وملي الفورم ودي وياج شهادتج الجامعيه وشهادات الخبره اذا عندج والترانسكريبت

والله يوفقج انشالله

اختي انا قدمت السنة اللي طافت

و سوينا مقابلة في المنطقة

وقالولي مقبولة والتخصص مطلوب ومتوفر وفي البلاد

وبسسسسسسسسسسس

ومن يومها سكتوا عنا ولا طرولنا شي

وكل ما نتصل مافي يديد

الكورس الياي باذن الله بدرس على حسابي ولا مذلتهم وضيعوا الوقت علينا

على فكرة انا كنت طالبة داخل البلاد