اللي سافرن لماليزيا هالسنه لليبيين ايدشن

مرحبا خوااتي
كل عام وانتن بخيير
ومبرووك علييكن الشهر
حبيباتي أنا ناويه أسافر ماليزيا عقب العيد ان شاءالله
أنا سرتلها ف شهر العسل بس احين ويانا بنتي الله يحفظها عمرها سنتين
وكان مخططنا اربع ايام ف كوالالمبور وثلاث ف لنكاوي وليله ف جنتنغ وخمس ف كوالالمبور الصراحه اخر خمس ايام كانت ممله لأننا جفنا كوالالمبور ف الاربع الايام الاولى أمم وهالمره ماابي انعيش الملل والتكرار ف رحلتنا هالمره
ومن ناحية الفنادق ف كوالا لمبور فندق كراون برينسيس والفندق الثاني كان ف شارع العرب بس ماحيد اسمه خخ ولانكاوي فندق الشيراتون شاليهات مطله ع البحر و ف جنتنغ ما أحيد الفندق لأننا وصلنا متاخرين ورقدنا ويلسنا لينن اثنعج الظهر وردينا العاصمه خخ بس سرنا لعبنا ساعتين وخذينا جم صوره خخ
ف ناويين هالمره انغير المخطط
ف حبيت أسألكن جم سوال
شو رايكن ب مرتفعات الكامريون وشو جوها وجم يلستوا فيها واذا مليتوا او لا
وشو رايكن ب جزيرة بيناننج وجم يلستوا فيها و شو احسن الفندق
وأبي فندقين حلوين ف كوالالمبور
واللي عندها نصايح اقدر اتبعها ف الرحله اتخص بنوتي او الملابس اللي نأخذها يزااااها الله خيييير
وبما ان بنوتتنا ويانا حذفت سلانجور وجنتنغ لان صعبه نلعب واهي ويانا واهي بروحها خوافه فديتها
ومدة الرحله ان شاءالله بتكون أسبوعين
والسمووووحه هذربت وااايد
واترياكن ^^