اللي جربت الشقق بباريس اتفيدني

الغالية انا غيرت عنوان الموضوع عسب ما يكون مخالف لقوانين القسم :

– عند وضع استفسار معين يمنع إستخدام عنوان مثل ساعدوني وعندي استفسار والخبيرة تساعدني
والرجاء عدم طلب المساعدة من أحد العضوات بالتحديد مثل " فلانة ساعديني" أو" الخبيرات فلانة وفلانة ساعدوني"

لي عودة ان شاء الله ^_^

:

:

بـــــــاآك

السموحة على التأخير فديتج بس كنت مشغولة شوي =)

المهم اذا تبغين منتجع قريب من ديزني و 3 نجوم و أسعاره رخييصة عندج Citea Marne La Vallée – Magny Le Hongre

يبعد 2.5 كيلو عن ديزني لاند تقريباً .. يعني 10 دقايق بالسيارة اذا ماشي زحمة و انتي في ديزني ^.^

نحن حجزنا فيه الصيف الماضي .. الصراحة الشقق نظيفة و كبيرة و المنتجع حلو و شرح و يفتح النفس و الموظفين محترمين ومتعاونين

اذا تبغين الفخامة ما ينفع لانه 3 نجوم يعني متواضع بس اهم شي نظييف و الشقق كبيرة و اسعارها رخيصة

الشقق على نظام شاليهات او فلل صغيرة يعني كل وحدة بروحها منفصلة .. نحن شقتنا كانت دورين و متكونه من 3 غرف نوم و صالة و مطبخ و حماين عزكم الله

بس العيب الوحيد ان المرحاض – عزكم الله – مفصول عن الشاور والمغاسل و انتو عارفين نظام الأجانب ماشي مكان للغسول ! يعني لازم تاخذين الماي وياج من الحمام اللي فوق .. بس نحن حلينا هالمشكلة كنا ماخذين ويانا جيك (ابريج) ماعرف شو تسمونه المهم هذا هو لول

آخر شي سعر الليلة في شقة 3 غرف نوم حق 8 اشخاص = 660 درهم في شهر جون 6

و هذي صور المنتجع من booking :

الشقق من برع

المطبخ

غرف النوم

الحمام عزكم الله

الصالة

اللوبي و الرسبشن

مطعم الريوق

و آخر شي العنوان :

Hotel CITEA RESIDENTIEL MARNE LA VALLEE MAGNY LE HONGRE
5, rue de la clé des champs
77700 MAGNY LE HONGRE, France
Tel: +33 1 64 77 80 00
Fax: +33 1 64 77 80 01
http://www.citea.com

و اللي تبغي تحجز من موقع booking هذا الرابط :

Citea Marne La Vallée – Magny Le Hongre

* نسيت أخبرج شي مهم :

المنتجع قريب من مجمع فال دي يوروب Val d’Europe تقريباً 5 دقايق بالسيارة و تقدرين تسيرين مشي إذا فيج هبه ^.^

هالمجمع عبارة عن مول كبييير فيه كل المحلات الراقية والمعروفة و المطاعم العالمية شرات ماكدونالدز و غيرهم و فيه هايبر ماركت كبيير شرات كارفور بتحصلين عندهم كل اللي تحتاجينه من أغراض البيت و اليهال

و بعد فيه قرية للماركات المخفضة (اوت ليت) بتحصلين عندهم ماركات عالمية بأسعار رخييصة و محروقة .. معظمها اولد كولكشن بس يوم تنبشين تحصلين اشياء حلوة و بأسعار فظييعة

و السموحة ع القصور ^.^

شوفي radisson sas في ديزني لاند ريزورت. عن طريق موقع booking

التعديل الأخير تم بواسطة أحبـ M ـك ; 2009-05-31 الساعة 12:35

المشاركة الأصلية كتبت بواسطة أحبـ M ـك

الغاليه اذا تبين في شارع الشانزليزيه في شقق حلوه فوق (( سيفورا )) محل العطورات

بس في ديزني ماعرف ان شاء الله الاخت الغر الحشيم بتساعدج

شو أسعارهم يالغلا

شكلج سفّيرة محترفة

في كل موضوع القاج