اللقيمات بالسفن أب

طبعا من عقب لقيمات ام التاجره عيون دبي

مفروض ما ننزل مواضيع اللقيمات

لكن بعض الاخوات في المنتدى طلبوو لقيماتي وان شاء تعيبكم

وهالطريقه بمقادير محدده واالي بطبقها حتى لو كانت مبتدئه بتضبط عندها ان شاء الله

بسم الله الرحمن الرحيم

3 كوب طحين ابيض
1 وربع ملعقة طعام خميره
1 ملعقة طعام سكر
1 ملعقة طعام نشا
شوية زعفران
نص ملعقه صغيره هال
2 ملعقة طعام روب
نص كوب ماء
علبة سفن أب ( 355 )

نخلط النواشف زين

صورة حجم السفن أب

نضيف السوائل

شكلها عقب الخلط

عقب ما خمرت ( الافضل ساعتين او اكثر )

نحمي الزيت زين ونحط عجينة اللقيمات ( انا استخدم ملعقة طعام وما اترسها )

بالخاشوقه لمشخله نحاول نجلب اللقيمات كل صوب

نحضر قطر // كوب ونص سكر وكوب ماء ( زعفرن حسب الرغبه او ماء ورد وزهر )

نصبه على نص اللقيمات ونرشه بالفستق مطحون