اللـه يهديك يابوية 2

الله يهدي إبوج و إمج…لأن باين ان المشكلة مب بس في الوالد حتى الوالدة ما اتساعد او اتحاول إنها تقنع إبوج إنه يوافق….الأهل ما يبون من هالدنيا إلا الستر لبناتهم لأنهم مب دايميلهم العمر كله…والريال مب بشهادتة ولا بلونه وأصلة وفصله ولا عرجه الريال بأخلاقة بدينه وبشخصيتة..شو يعني إنتي عندج بكالريوس و هو دبلوم؟؟!!!!!!!! وإن شاءالله لو ما عنده حتى ثانوية إذا الريال زين ليش لا…في بعض الأهل فيهم أنانية الصراحة وحب التملك أعرف وحدة أمها ما تبا اتيوزها لأنها اتقولها إذا إنتي عرستس أنا منو بيوديني المستشفى منو بيقضيلي مشاويري مع إنه إبوها موجود…. وإذا اتقدملها أي واحد لازم اطلع فيه عيب يعني والله هذا في عرج خدام، وهذي أمه ما أدري من أي جنسية وهذا مب من ثوبنا….الخ إنتي يا أختي ما بتتزوجين شهادة إنتي بتآخذين ريال شو فايدة الشهادة لو الريال بلا أخلاق ولا دين…وشو فايدة الشكل يوم الريال ما يقدرج ويصونج وشو فايدة الأصل يوم الريال يطلع ما عندة أصل بالأساس..لازم واحد من الأهل مثل عمج ولا حد ثاني يقنع إبوج بالريال..وإمج الله يهداها .بس لين الحين ما عرفت سبب رفضهم لكل واحد يتقدم لج لأن باين إنه يحط مبررات من عنده وعيوب بالشخص عشان يرفضة…وحاولي بعد اتكلمين إمج بينج وبينها..يعني لين متى ؟؟ أعرف بنات وايد عندهم شهادات عالية بس الريال ما عنده ومع ذلك ما شاء الله عليهم اللي يديم السعادة والهنى عليهم..عايشين أحلى عيشة…وفي بعد وحدة مآخذة واحد عنده ماجستير من برع وهي بس ثانوية وافقت وقالت هذا الإنسان المتحضر المثقف اللي بيعيشني بسعادة لكن الله يعينها اتقول عيشها في جحيم والحين انفصلوا…طبعا مب كل الناس واحد بس حبيت أضحلج إن الشهادة مب كل شي..وإنتي صلي قيام ليل وإدعي ربج إن إبوج يبدى يفكر بعقل شوي مب بالعواطف..وإن شاء الله يسخر لج اللي يوقف وياج من أهلج ويقنعون إمج وإبوج.

الله يعينج يا الغالية

مدري شقولج
بس لا حول ولا قوة إلا بالله
يعني شو عرج خدام
جان ناقشتي الوالد بالعقل
قوليله يعطيج الحديث للي الرسول عليه افضل الصلاة والسلام قايل فيه لا تعطون بناتكم حق شخص عرقه كذا وكذا
ما يستوي ان الواحد يفر كلام على اشرف الخلق وهو مو متأكد من عنده
الله يهدي ابوج بس
ويفك ضيقتج ختيه

هي ان لازم يتحرون العرج لأن العرج دساس