الكويت ولا قطر ولا البحرين

المشاركة الأصلية كتبت بواسطة bebymoon

صبااااااااااااح الخير يا حلوات

بنات اريد اخذ رايكن في هالثلاث دول من ناحية الحواطه والتسوق والمناظر الطبيعيه والمده 5 ايام في شهر 10 وكيف بيكون الجو فيهن

وسلامتكن ^_^

هلا وغلا

انا باتكلم عن بلادي قطـر فديت ترابها

طبعا قطر تغيرت تغير جذري عن السنتين اللي قبل

حلوه واسواقها فيها كل شي المولات يديده

ونظيفه وسوق واقف (السوق القديم) تم تجديد

ديكوراته واغراضه حلوه وايد

بالنسبه للجو وايد حلو في شهر 10

وخصوصا في الليل وعند البحر

وماعندنا رطوبه زايده مثل البحرين

باعتبار انها جزيره

ومناظر طبيعيه ماعرفت اشتقصدين

لان الدول الثلاث اللي ذكرتيهم

مافيهم جبال ولا انهار

يعني مناظرهم الطبيعيه متشابهه

استخيري الله وتوكلي عليه

وحياااااااج الله في قطر في كل وقت

تقبلي مروري اختج/ القطريه