تخطى إلى المحتوى
الرئيسية » الفاهيتا المكسيكية Fajita . صنع ايدي ^_^

الفاهيتا المكسيكية Fajita . صنع ايدي ^_^

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم …

احب افنتك و ابدع ……. و احب اقلد اكلات المطاعم الي احبها ..

و هالمره يبت لكم طبق مكسيكي معروف .. و هو الفاهيتا Fajita .. (حرف الجي ينطق هاء بالاسبانية)

المقادير :

صحن صدور الدجاج المقطعه بالطول او مكعبات (( هني انا صورتها عقب ما قليتها))

2 فلفل بارد مقطع بالطول

2 بصل ابيض مقطع بالطول

خبز الفاهيتا + خلطة الفاهيتا (الخلطه مهمه لنه ما بنحط اي بهار غيرها) و بتحصلونها في سبينس ب 7 دراهم اظني .. و الخبز ب 15 درهم اعتقد

علبة مشروم (إضافة من عندي)

و طبعا ماشي بهارات موول مثل ما قلت غير خلطة الفاهيتا ..

الطريقة:

– تصبين شوية زيت في المقلاة و تحطين الدجاج .. تقلينه شوي لين ينضج و عقب تشلينه و تحطينه في صحن .. و تخلين الزيت مكانه عشان تقلين الفلفل و البصل و المشروم كلهم مع بعض ..

تخلينهم لين ما يستوي البصل ذهبي خفيف و الفلفل و المشروم تحسين انهم استوو .. و تردين تحطين الدياي
و تحطين خلطة الفاهيتا عليهم + نص كاس ماي

و عقب تقدمينهم في الخبز مال الفاهيتا .. طبعا تفتحين الخبزة و تصبين فيها كميه مناسبه من الخلطه الي عندج .. و تصكينها .. عاد يوم ييت بصكها توهقت لنه ماكنت حاسبه حساب هالحركه جان اييب مسحة جبن كرافت و الصقها .. خخخخخ ..

و قدمتها بالطريقة التاليه :

حطيت طماطم مقطعه صغار + شوية روب او لبنة + بطاطا مقليه + فلفل هالابينو ..
و بالهناء و الشفاء ..
اللي بتطبقها تصورها و تحطلنا اياها هني ^_^

6 أفكار بشأن “الفاهيتا المكسيكية Fajita . صنع ايدي ^_^”

  1. الله يعطيج العافيه يا عروستنااااا … الخطوااات وايد سهله و واااضحه باجر بسير سبينيس و بتعناا عشان اجرب ها الطبخه … ووو إن شاء الله بصورلج ايااها إذا الله راد … و ما نسيت



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.