الصف الاول والاملاء اللي عندها عيال صف اول حكومي تدش

مرحبا خواتي
عساكم بخير ؟؟
باختصار شديد انا بنتي صف أول ابتدائي وطبعا تعرفون انهم توهم مخلصين من الحروف المهم تعرفون صف اول يبتدون في تشكيل من حرف ب هم توهم يادوب يتعلمون الحركات والمد … المهم الحمدلله بنتي فهمته بس الاملاء عطتهم اربع كلمات احس بعدهم على الاملاء لانهم ما خذو التحليل وها السوالف واحاول مع بنتي بس مب قادره تستوعب … انا اقول الافضل يتعلمون كل شي واخر شي الاملاء ..
لانه ولدي لما كان صف اول عطتهم معلمتهم الفصل الثاني الاملاء لما استوعبو كل شي …
… انتو شو رايكم ؟؟؟
اللي عيالها صف اول خبريني هل يعطونهم املاء من الدرس الاول ؟؟؟
وبا النسبه للعلوم والرياضيات لين الحين ما شفت من المعلمه ولا ورقة عمل للأسف المفروض كل يوم من ها المواد اوراق عمل احس وااايد أحسن وتعلم الطفل …
لاني قارنت بين دراسة ولدي وبنتي لقيت انه ولدي واااااااايد غير بصراحه تأسيسه كان وااايد زين والمدرسات ما قصرو ما عرف من شوه با الضبط …
وحتى الانجليش لانه اول سنه لها تتعلم الانجليش توهم بحرف الدي ونقزت المدرسه بالكلمات والاملاء وودرت الحروف لاخر شي …
مادري احس التدريس وايد متخربط مع بنتي شو السالفه مادري انا قلت بسألكم قبل ما اروح أسال المدرسات …