السوق الصينى ؟؟؟؟؟؟؟

اختي انصحج تلبسين شي سطاحي ومريح لانج بتمشين وايد وايد

بس انا يوم سرته مريت بمختلف الاماكن وكان من زمان فنسيت ان شاء الله يفيدونج

اول شيئ واهم شيئ تلبسين جوتي او سطاحي
واذا بتروحين مع عيال وكليهم قبل الروحة لان ماشيئ مطاعم عسب يتعشون او يتغدون طبعا فيه الاكشاك الصغيروة شرات الفطاير البوب كورن الناتشو يعني خفايف وكوفي شوبات ماشي حالهم ((مول فقري بالمطاعم ))اول مرة سرت مع عيالي توهقت كان من سنتين تقريبا ..
شوفي اختي ابداي من وسط المول وسيري صوب الذيل اغلب الاشياء بتكون فراش للشباري وللاطفال وكفرات انواع واشكال /ملابس بانواعها بيجامات وقمصان يعني احس صوب الذيل اشياء نسائية /ملابس اطفال وخصة الجنزات بالهبل /العاب /وبين هالمحلات بعد فيه شرات الخناخيش اكسسوارات/انواع الجنط ماركات/ للابتوبات/احجام واشكال…………….
ستاير شرات الشيفون روعة ///اكسسوارات الستاير///حركات للموبايل///اكسسورات حمام ///اكسسوارات غرف///
القسم اللي يبدا من وسط المول لين الراس اغراض البيت مثل ((الليتات بانواعها للغرف -للحديقة -لمدخل البيت-على الجدار ///نوافير///اخشاب مثل الابواب -بارتشين///بلاط وسيراميك ///الكترونيات وكهربائيات///toolsمثل الادوات المطارق السكاريب الدريل الاقفال …………الخ يعني كله على بعضوا يخص البيت وبنيانه …………
عسب جذيه حبيت اخبرج اذا تبين اغراض لج ابداي من الوسط للذيل واذا للبيت من الوسط للراس ….ما شاء الله علي خبرة …..
نصيحتي الاخيرة خلي بجنطتج باندول +كلينكس معقم للحمامات الله يكرمكم…………. والله يوفقج اختي برحلة التنين

انا تقريبآ كل اجازة اروحله الصراحة الملابس عندهم رووووووووووووعة بس المشكلة كلها مقاس صيني ^_^ حتى النعول يوم تاخذين واحد مقاس اربعين يطلع صغييييييييير

عشان كذا حاولي تقيسين الملابس في نفس المول قبل تطلعين

انا دايمآ اخذ من عندهم الاطقم حق السرير تجنن واسعارها حلوة واشياء البيت عندهم جنان والبجامات رووووووووووووعة

وموفقة يارب في زيارتك