السن المسموح لدخول الطفل الروضة ارجو الافادة

صغير علىالروضة
وايد عليه الحضانة

السلام عليكم خواتي
بالعكس اختي مناسب من الحين
تقريبا كل المدارس الخاصة تقبل 3 سنوات للروضة الاولى
لكن لوشفتي انه بعده مايعرف الالوان والاشكال دخليه Pre KG المدارس الخاصة الكبيرة توفر البري كج احسن له يتعلم من الحين ويتعود على جو المدارس ويكون اجتماعي باختلاطه مع اليهال ويسير عنده ذكاء اجتماعي
خاصة ان كل المدارس القوية تسوي امتحان قبول لليهال فهيئيه من الحين احسن
وبعدين في سنه شو بيسوي في البيت؟؟؟؟؟؟

وعشان تحصلين له مكان بعد في مدرسة قوية حق بعدين
لانهم يعطون الاولوية للي كانوا معاهم قبل في المدرسة

لا فديتج بالعكس انا أشجع تعليم الاطفال في سن مبكر .

عندي بنتين ربي يحفظهن لي و يرزقني برهن يااارب .

دخلتهن الحضانة و كان عمرهن سنتين بــــــــــــس بالضبط .

و كانت الحضانة قوية ماشاء الله يعني علموهم الإنجليزي الحروف كلها .

و غير هذا يتعلمون الأرقام و كل شي في هذا السن و انا من صوبيه علمتهن

الإعتماد على النفس و المسؤولية و هالامور من خلال كتب كنت أقرأها .

يعني على السنتين و شهرين عيالي يعقون البامبرز و يروحون الحمام و ياكلون بروحهم الحمد لله .

على سن 3 سنوات يدخلون الكيجي 1 فالخااص طبعا اما الحكومي يقبلون على 4 سنوات .

ومعظم المدارس الخاصة العالية المستوى يسوون مقابلة للطلاب فإذا ماكان ولدج مؤهل ما يدخلونه حتى كيجي1

يعني لازم يكون مؤهل من الاحينه …بنتي دشت السنة كيجي2 و سوو لها مقابلة و الحمد لله هي اللي حصلت على

المقعد الشاغر مبين 4 طلاب تقدمو و قالو بناخذ الأحسن و الحمد لله فازت فالمقابلة فديتها ياربي .