الزواج مب حلو بيطلقج بيعرس عليج الزواج كله مشاكل وضرابات :(

السلااام عليكم ورحمة الله وبركاته

مرحبااااا
شحالكم

بدش فالموضوع على طول
شي حريم الله يهديهم كله يطرون عيوووووب الزواج لدرجه مخيفه
يعني انا مالجه وعرسي جريب وكل ماسمعت مثل هالكلام قلبي يعورني واخاف اكثر

ومره انا واربيعاتي كنا نسولف ووحده من البنات قالت متى عرسج ؟؟ الله يعينج بتتزوجين شو شعورج اكيد خايفه ؟؟ مسكينه!!
يعني تدرين اني خايفه ليش تخوفني زياده
والي عور قلبي زياده قالت الحمدلله انا مب معرسه الرياييل مالهم امان وعادي يطلقج واذا ماطلقج عادي يخونج
الحياه بدون زواج احلى بلا عوار راس بلا هم

عقب يوم جافتني تضايجت من كلامها وتكدرت ضحكت وقالت لاا إن شاءالله مايستويلج شي بس انا اتكلم بشكل عام
انزين ادري الزواج مسؤوليه وتعب وهم ومب كلها حياة رومانسيه وفيها مشاكل وضعوطات
بس هاي سنه الحياة صح ؟؟ شسوي يعني اقول مابي اتزوج مابي اتزوج مابي اتزوج ..لمتى يعني ؟؟

ليش احيانا الناس ماتراعي كلامها وتجرح بالنصيحه ؟؟
بعدين الزواج مب كله مشاكل وهمووم فيه اشياء حلوووه وايجابيه بس مادري ليش التركيز دوووم ع المشاكل والنكد بس