(( الزواج ام الدراسة ايهما في صالح الفتاة ؟؟؟ ))

البنت اخرتها في بيت ريلها
يعني لو تقدم لها واحد وهي بعدها تدرس والريال زين ومافيه شي خل تتوكل وتاخذه
وبنفس الوقت تقدر تكمل دراسه ..

اما عن الانفصال وغيره فـ يعتمد على مدى التوافق بين الزوجين ..

الدراسه مهمه لكن الزواج اهم

الزواج اهم من الدراسه لعدة اسباب

الزواج طهر الزواج ستر الزواج حفظ للنفس من الشهوات وكل شيء يمكن يضر بالانسان

شو المانع اني اتزوج وعقب اكمل دراستي ؟ الدراسه بطير ؟

شو الفايده اني اوصل لدرجه الدكتواره . ؟ واكون انسانه عانس والحجه كنت ابي اكمل دراستي

الشهاده شيء مهم لكن فكري بمنطق ما تبين تكونين عايله ما تبين تكونين ام ؟؟

والله مره سمعت محاظره بنفس هالموضوع لو تسمعين الكلام راح تنصدمين

الشيخ يقول ان اغلب البنات الي انزخوا بقضايا الزنا هم اعمارهم بين 15 – 20 سنه ؟ ياترى شو الاسباب ؟

والله البنت انخطبت رد الابو – البنت صغيره ع الزواج خلصت ثانويه بعدها صغيره خل تخلص جامعه خلصت جامعه خل تشتغل وبعدين ؟

حرام جي الله شرع لنا الزواج ليش ؟ عشان نحفظ نفسنا ؟ ليش نروح للحرام ؟

وايد بنات اعرفهم رفضوا الزواج اهلهم بحجه الدراسه شو استفادو ؟

ظلموا البنت

قالت الاخت الي فوقي .. لو تطلقت .. بسم الله عليج من الطلاق

انا مب ضد الدراسه انا ضد فكرة ان الانسان يحبذ الدراسه ع نص الدين الي هو الزواج

انا لو درست ووصلت اعلى المقامات ؟ شو بستفيد ؟ بروح تحت التراب وبيروح كل الي سويته

ااما لو تزوجت ويبت عيال ع الاقل يمكن باجر لو مت بيكون عندي ولد يدعي لي بالرحمه ويذكر امه

انا انسانه دراسه وفاهمه الحياه الدراسه شيء مهم وكنز لا يفنى لكنها مهما صار الزواج اهم

الحرمه لو عرست تحس انها لها سند في هالدنيا ولو يابت العيال تحس انها حققت امنية حياتهاا

والله فرحة الام بمولودها تسوى الدنيا وما فيها ولحظتها اهم من لحظة تخرجي من الجامعه الفلانيه وبتقدير امتياز

الله يوفق الجميع

مع احترامي لارائكم اختلاف الراي لا يفسد للود قضيه

امممـ، هو الدراسه مهمه بس الزواج اهم الزواج فيه ستررر خاصه في زمناااا هااااا

الدراسه مابطير بس الزواج يمكن تفوت الوحده قطار الزواج..