تخطى إلى المحتوى
الرئيسية » الرضاعه وتاخر الدوره ضروري

الرضاعه وتاخر الدوره ضروري

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

هلا خواتي

انا مربيه من 4 شهور بالضبط والحمدلله ارضع ولدي والشهر اللي طاف يتني الدوره تاريخ 18 وللحين مايتني طار لها متاخره خمس ايام تقريبا مع اني احس بالامها واعراضها بس للحين مانزلت المهم انا سويت الفحص المنزلي وطلع سالب ،علما ان قبل الحمل الدوره عندي منتظمه كل 28 يوم ياليت اللي مرت بنفس تجربتي اتفيدني وحتى اللي سمعت بهاي التجربه اتفيدنا بايز🌹

الوسوم:

6 أفكار بشأن “الرضاعه وتاخر الدوره ضروري”

  1. amira
    الرد

    اللي ترضع طبيعي عدل ، بيتنقطع عنها الدورة وهالشي طبيعي لانه هرمون الحليب يرتفع عندج .. ومعروف عند اغلب اللي يرضعن هالشي
    انا كنت نفسج وتميت 8 شهور بدون دورة .. مرات احس بويعها بس ماتنزل .. عقب طلع فيني تكيسات ( انا من قبل الحمل كان فيني تكيسات)

    راجعي دكتورتج افضل عشان تتطمنين

  2. chicha
    الرد

    عادي الغلا
    انا دورتي كانت وايد منتظمة وع الرضاعة الحين وايد تتأخر
    أحس طبيعي الموضوع لكن وسواس الحمل الله يعينا عليه لما تتأخر الدورة

  3. كنزة
    الرد

    شكله كنتي متضايقه او وايد تعبتي هالشهر
    مادام طلع ماشي حمل سيري عند دكتوره نسائية خليها تسوي لج فحص هرمونات وتشيك على الرحم وتخبرينها انج ترضعين حتى تعطيج فيتامينات
    الرضاعة ترهق الجسم

  6. chicha
    الرد

    الرضاعة الطبيعية بتأثر على انتتظام الدورة
    اما تقدم او تاخر الدورة
    ومادام سويتي فحص وطلع سالب عادي ماشي حمل بس مافي انتظام بالدورة بسبب الرضاعه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.