الرجاء عـدم إصطحاب الإطفال .وحليلهم حتى اليهال مالهم نصيب ؟

شو اللي تغير ..حتى بطاقات الأفراح..
.صارت أتحط أوامر…
وصااارالكلام يتداول على كل البطااقات.
وليش هالعباارة…
أحسها صاارت جديمة..في مصطلحات الأفراح..
عدم إصطحاب الأطفاال..
وحليلهم..
هالأطفاال صدق إن مول مالهم نصيب حتى في أحلى فرحة..
عدم إصطحابهم..
سؤالي يفرض نفسة..
معقووولة الأم اللى معزوومة هى وعائلتها…
بتخلي أطفالها وبتروح..
تستانس..
بتتركهم..وراها..يصيحون..
وهي هب عااارفة..
كلوا وإلا شربوا وإلا ناموا….؟؟
صارت الأموور عااادية…
وديهم وياااج..شو اللي بيصير..
بالعكس…
خليهم يفرحوون شرات مااا إنتي مستانسة..
مب لازم نطبق اللى مكتوب…
ترى أوامرهم وااايدة..
وصرنا نضحك على المكتوب..
ونقووول صدق إنها دنيا….
إليوم إنكتب عدم صطحاب الأطفال..
والموضة اليديدة..
الرجااء عدم إصطحاب الآت التصوير…والهواتف المزودة بالكاميرات…؟؟
شو اللي بعد ما إنكتب…وشو اليديد اللى نترياااه…؟؟
وبرد أقووول…
مااافي أحلى وأجمل من الدعوة التقليدية..الجديمة..؟؟
لا أوامر ولاغيرة…؟؟
ما أقوول غير الله يرحم زمان أول…اللي راااح…
وياليته يعووود…؟